ಹಾಸನ: ಸುರಕ್ಷಿತ ವಾಹನ ಚಾಲನೆ ...
ಹಾಸನ: ಒಬ್ಬ ಮನುಷ್ಯ ಎಷ್ಟು ...
ಶ್ರವಣಬೆಳಗೊಳ: ಜನವರಿ ತಿಂಗಳಲ್ಲಿ
ತುಮಕೂರು : ಪ್ರತಿಯೊಬ್ಬರು ...
ಶ್ರವಣಬೆಳಗೊಳ: ಯುವ ಜನತೆ ...
ಹಾಸನ: ದೇಶದಲ್ಲಿ ಕೆಲ ನಾಯಕರನ್ನು
ಬೆಂಗಳೂರು: ಯಾವುದೇ ಉತ್ಸವ ...
ಹಾಸನ: ಒಂದು ಫಿಚ್ಚರ್ ತೆರೆಕಂಡರೆ
ಹಾಸನ: ಕೇವಲ ಕಾಮಗಾರಿ ಮಾಡುವ ಮೂಲಕ
ಹಾಸನ/ಬೇಲೂರು: ನೋಟಿಸ್ ಜಾರಿ ...
ಅರಸಿಕೆರೆ: ಶ್ರೀ ಸಚಿದಾನಂದ ...
ಹಾಸನ: ಹಾಸನ ತಾಲೂಕಿನ ಗ್ರಾಮೀಣ ...
ಹಾಸನ: ಎಲ್ಲರನ್ನೂ ಮಂತ್ರಿ ...
ಹಾಸನ: ಅಂತೂ ಇಂತೂ ಕೊನೆಗೂ ಜನರ ...
ಗೃಹ ಪ್ರವೇಶದ ಊಟ ಮಾಡಿ 50ಕ್ಕೂ ...
ಹಾಸನ:ಹಾಸನದಲ್ಲಿ  ಸಕಲೇಶಪುರ ...
ತುಮಕೂರು:ನಗರದ ಕುಣಿಗಲ್ ...
Friday, 20 December 2019 00:00
Rate this item
(0 votes)

ಹಾಸನ: ಒಬ್ಬ ಮನುಷ್ಯ ಎಷ್ಟು ವರ್ಷಗಳು ಬದುಕುತ್ತಾನೆ ಎಂಬುದು ಮುಖ್ಯವಲ್ಲ. ಅವರು ಹೇಗೆ ಬದುಕಿದ್ದರು ಎಂಬುದು ಮುಖ್ಯ.  ಕೇವಲ ತನಗೆ ಹಾಗೂ ತನ್ನ ಕುಟುಂಬಕ್ಕೆ ಬಾಳುವುದು ಸಾಮಾನ್ಯ. ಆದ್ರೆ ತನ್ನ ಸುತ್ತ ಮುತ್ತಲ ಸಮಾಜ, ಹಳ್ಳಿ, ದೇಶಕ್ಕೆ ಒಳಿತು ಮಾಡಬೇಕೆಂಬ ಹಂಬಲ ಎಲ್ಲರಿಗೂ ಇರುವುದಿಲ್ಲ. ಅಂತಹವರಲ್ಲಿ ನಮ್ಮ ಸಿ.ಎಸ್.ಕೃಷ್ಣಸ್ವಾಮಿ (90) ಕೂಡಾ ಒಬ್ಬರು ಎನ್ನುವುದಕ್ಕೆ ಹೆಮ್ಮೆಯಾಗುತ್ತದೆ. ಅಂತಹ ಮಹಾನ್  ಚೇತನ ಕಣ್ಮರೆಯಾಗಿದ್ದು, ಹಾಸನದ ಪತ್ರಿಕಾಲೋಕದ ಶಿಕ್ಷಣಲೋಕದ ಸಮಾಜದ ಬಹುದೊಡ್ಡ ಕೊಂಡಿ ಕಳಚಿತು ಎನ್ನುವುದನ್ನ ಹೇಳುವುದಕ್ಕೆ ವಿಷಾಧ ವ್ಯಕ್ತಪಡಿಸುತ್ತೇವೆ.

ಜನನ: 28.03.1929

ಹಾಸನ ಜಿಲ್ಲೆಯ ಚನ್ನರಾಯಪಟ್ಟಣದ ಸಿ.ಎಸ್.ನರಸಿಂಹಮೂರ್ತಿ ಮತ್ತು ಭಾಗೀರಥಮ್ಮ ದಂಪತಿಗಳ 3ನೇ ಮಗನಾಗಿ 28.03.1929 ರಲ್ಲಿ ಜನಿಸಿದ್ರು. ಪ್ರಾಥಮಿಕ ಶಿಕ್ಷಣವನ್ನ ಶ್ರವಣಬೆಳಗೊಳ ಮತ್ತು ಚನ್ನರಾಯಪಟ್ಟಣದಲ್ಲಿ ಮುಗಿಸಿ ಪ್ರೌಢಶಾಲೆ ಶಿಕ್ಷಣವನ್ನ ಬೆಂಗಳೂರಿನ ನ್ಯಾಷನಲ್ ಹೈಸ್ಕೂಲಿನಲ್ಲಿ ಮಗಿಸಿದ್ರು. 1946ರಲ್ಲಿ ಎಸ್.ಎಸ್.ಎಲ್.ಸಿ. ಪ್ರಥಮ ಶ್ರೇಣಿಯಲ್ಲಿ ಉತೀರ್ಣರಾಗಿದ್ದು, ಮೈಸೂರಿನ ಶಾರದಾ ವಿಲಾಸ ಕಾಲೇಜಿನಲ್ಲಿ ಇಂಟರ್ ಮೀಡಿಯೆಟ್ ಪಾಸ್ ಮಾಡಿದ್ರು. ಇನ್ನು ಮೈಸೂರಿನಲ್ಲಿಯೇ ಬಿಎಸ್ಸಿ, ಬಿ.ಇಡ್, ಮತ್ತು ಪತ್ರಿಕೋದ್ಯಮ ಡಿಪ್ಲೋಮಾ ಶಿಕ್ಷಣ  ಪೂರೈಸಿದ್ರು.

 

ಸಿ.ಎಸ್.ಕೆ.ಅವರ ದಾಂಪತ್ಯ ಜೀವನ : 

ಚಿಕ್ಕ ವಯಸ್ಸಿನಲ್ಲಿಯೇ ಮನೆಯ ಜವಾಬ್ದಾರಿ ಹೊತ್ತಿದ್ದ ಸಿ.ಎಸ್.ಕೆ. ಕಷ್ಟದ ದಿನದಲ್ಲಿ ಸ್ನೇಹಿತರ ಆರ್ಥಿಕ ಸಹಾಯ ಪಡೆದು 1964ರಲ್ಲಿ ಅಂದ್ರೆ ತಮ್ಮ 34ನೇ ವಯಸ್ಸಿನಲ್ಲಿ ಬಿ.ಎಸ್ಸಿ ಪಧವಿದರೆಯಾದ ಸುಧಾರವರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ರು. ಪಾಪ್ಯುಲರ್ ಏಜೆನ್ಸಿಯ ನಾಗರಾಜ, ಪಾಪಣ್ಣ ಮುಂತಾದವರನ್ನ ಅವರು ಬದುಕಿನ ದಿನದಲ್ಲಿ ಸದಾ ನೆನಪಿಸಿಕೊಳ್ಳುತ್ತಿದ್ದರು. ಸಿ.ಎಸ್.ಕೆ.ದಂಪತಿಗೆ ಲಕ್ಷ್ಮಿ ಮತ್ತು ವೀಣಾ ಇಬ್ಬರು ಹೆಣ್ಣುಮಕ್ಕಳು. ಬೆಂಗಳೂರಿನಲ್ಲಿ ಲಕ್ಷ್ಮಿ ಮತ್ತು ವೀಣಾ ಅಮೇರಿಕಾದಲ್ಲಿ ನೆಲೆಸಿದ್ದಾರೆ.

  

ರಾಮಕೃಷ್ಣ ವಿದ್ಯಾಲಯ ಉಗಮ :

ಹಾಸನದಲ್ಲಿ ಆಗಿನ ಕಾಲಕ್ಕೆ ಖಾಸಗಿ ಶಾಲೆ ಎಂದರೆ ಸಂತ ಫಿಲೋಮಿನಾ ಒಂದು. ಅದರಲ್ಲಿ ಅಲ್ಲಿನ ಪ್ರತಿಯೊಂದು ರೀತಿ-ನೀತಿ-ಪದ್ದತಿಗಳು ಪಾಶ್ಚಾತ್ಯ ಕ್ರಿಶ್ಚಿಯನ್ ಮಿಷನರಿಗಳನ್ನು ಆದರಿಸಿದ್ಧವಾಗಿತ್ತು. ಅವುಗಳ ಮಧ್ಯೆ 1963 ರಲ್ಲಿ ಶ್ರೀ ಸಿ.ಎಸ್. ಕೃಷ್ಣಸ್ವಾಮಿಯವರು 1952ರಲ್ಲಿ ಹಾಸನಕ್ಕೆ ಬಂದು ನೆಲ ಕಂಡು ಶ್ರೀ ರಾಮಕೃಷ್ಣ ಟ್ಯುಟೋರಿಯಲ್ಸ್ ಮೂಲಕ ಶಿಕ್ಷಣ ನೀಡುತ್ತಾ, ನಂತರದಲ್ಲಿ ಕೆ. ಆರ್. ಪುರಂನಲ್ಲಿ ಶ್ರೀ ರಾಮಕೃಷ್ಣ ವಿದ್ಯಾಲಯ, ಹೋಲಿಮದರ್‌ ಎಂಬ ಪ್ರಾಥಮಿಕ / ಹಿರಿಯ ಪ್ರಾಥಮಿಕ ಶಾಲೆಯನ್ನು ಸ್ವತಂತ್ರವಾಗಿ ಸಿ.ಎಸ್.ಕೆ. ಸ್ಥಾಪಿಸಿದರು. ಕಳೆದ 5 ದಶಕಗಳಿಂದ ಶಿಕ್ಷಣ ಕ್ಷೇತ್ರಕ್ಕೆ ಅಪಾರ ಕೊಡುಗೆಯನ್ನು ನೀಡುತ್ತಾ ಬಂದಿದ್ದಾರೆ. ಕರ್ನಾಟಕ ಸರ್ಕಾರದ ಮಾನ್ಯತೆ ಪಡೆದು ಹಾಸನ ಈ ಹೆಸರು ನೀಡಲು ಸಿ.ಎಸ್.ಕೆಯವರು ತಂದೆ ಸಲಹೆ ಹಾಗೂ ರಾಮಕೃಷ್ಣಾಶ್ರಮದ ಬಗ್ಗೆ ಇವರಿಗೆ ಚಿಕ್ಕಂದಿನಿಂದಲೂ ಇದ್ದ ಶ್ರದ್ಧಾ ಭಕ್ತಿಗಳು ಇದಕ್ಕೆ ಕಾರಣವಂತೆ. ನಿರಂತರವಾಗಿ ಶ್ರೀ ಶಾರದಾ ಮಾತೆ, ಶ್ರೀ ರಾಮಕೃಷ್ಣ, ಶ್ರೀ ವಿವೇಕಾನಂದ ಸರಳ ಜೀವನ, ಆದರ್ಶ, ಅನುಕರಣೀಯ ತತ್ವಗಳ ಪ್ರಭಾವಕ್ಕೆ ಸಿ.ಎಸ್.ಕೆ.ಯವರು ಒಳಗಾಗಿದ್ದರು. ಅವರ ಆದರ್ಶಗಳು ಅನುಸರಣೆಯನ್ನು ತಮ್ಮಲ್ಲಿ ಮತ್ತು ಶಿಕ್ಷಕ ವರ್ಗದಲ್ಲಿ ಹಾಗೂ ವಿದ್ಯಾರ್ಥಿಗಳಲ್ಲಿ ಕಾಣುವುದೇ ಅವರ ಮಹತ್ತರ ಆಶಯವಾಗಿತ್ತು. ಹಾಗೆಯೇ ಅದರಂತೆ ಮಾಡಿ ತೋರಿಸಿದ್ದ ಮಹಾಂತ ಚೇತನಾ.

 

ಹಾಸನ ಜಿಲ್ಲೆಯ ಅತ್ಯಂತ ಜನಪ್ರಿಯ ವ್ಯಕ್ತಿಯಾಗಿ 36 ವರ್ಷಗಳ ಕಾಲ ಪ್ರತಿಷ್ಠಿತ ಮಲೆನಾಡು ತಾಂತ್ರಿಕ ಶಿಕ್ಷಣ ಸಂಸ್ಥೆ ಖಜಾಂಚಿಯಾಗಿ ಸೇವೆ ಸಲ್ಲಿಸುವುದು ಮತ್ತೊಂದು ವಿಶೇಷ. ಮೊನ್ನೆ ನಡೆದ ಶಿಕ್ಷಣ ಸಂಸ್ಥೆಯ ಚುನಾವಣೆಯಲ್ಲಿ ಭಾಗವಹಿಸಿದ್ದರು. ಜೊತೆ ಹಾಸನ ಜಿಲ್ಲಾ ಬ್ರಾಹ್ಮಣ ಮಹಾಸಭಾ ಅಧ್ಯಕ್ಷರಾಗಿ, ಅಖಿಲ ಕರ್ನಾಟಕ ಬ್ರಾಹ್ಮಣ ಮಹಾಸಭಾ ಉಪಾಧ್ಯಕ್ಷರಾಗಿ, ಸಪ್ತರ್ಷಿ ಫೌಂಡೇಷನ್ ಟ್ರಸ್ಟಿಯಾಗಿ ಅನೇಕ ಸೇವಾ ಸಂಸ್ಥೆಗಳ ರೂವಾರಿಯಾಗಿ, ಸಾಧಿಸಿರುವುದು ಯುವ ಜನರಿಗೆ ಆದರ್ಶಪ್ರಾಯವಾಗಿದ್ರು.

   

ಪುಸ್ತಕ ಪ್ರಿಯರಾಗಿದ್ದ ಸಿ.ಎಸ್.ಕೆ.    

ಪುಸ್ತಕ ಪ್ರಿಯ ಸಿ.ಎಸ್.ಕೆ.ಯವರು ಅಧ್ಯಯನಶೀಲರು. ಅವರ ಮನೆಯ ಹಾಲಿನಲ್ಲಿ, ರೂಮುಗಳಲ್ಲಿ ಅನೇಕ ಕಪಾಟುಗಳಿದ್ದು ಅದರಲ್ಲಿ ಪುಸ್ತಕ ರಾಶಿಯೇ ಇದೆ. ಅಲ್ಲಿರುವ ಗ್ರಂಥಗಳನ್ನು ಅವಲೋಕಿಸಿದಾಗ ನಮಗೆ ಕಾಣುವುದು ರಾಮಕೃಷ್ಣಾಶ್ರಮದ ಎಲ್ಲ ಪ್ರಕಟಣೆಗಳು, ರಾಷ್ಟ್ರೋತ್ಥಾನ ಸಾಹಿತ್ಯ ವಿಚಾರಾತ್ಮಕ ಗ್ರಂಥಗಳು, ಶ್ರೇಷ್ಠ ಕವಿ ಪುಂಗವ, ದಾರ್ಶನಿಕರ ಪುಸ್ತಕಗಳಲ್ಲದೆ ರಾಮಾಯಣ, ಮಹಾಭಾರತ, ಭಗವದ್ಗೀತೆ, ಉಪನಿಷತ್, ವೇದಗಳ ಅನೇಕ ಸಂಪುಟಗಳು, ಹೀಗೆ ಪುಸ್ತಕಗಳ ಪಟ್ಟಿ ಸಾಗುತ್ತದೆ. ಅನೇಕರು ಅವರನ್ನು ಭೇಟಿಯಾಗಲೆಂದು ಹೋದಾಗ ಗಮನಿಸುವುದು ಅವರ ಕೈಯಲ್ಲಿ ಒಂದಲ್ಲ ಒಂದು ಪುಸ್ತಕ.  ಯಾವಾಗಲೂ ಇರುವುದನ್ನು, ಅನೇಕ ಪುಸ್ತಕ-ಬಿಡುಗಡೆ ಕಾರ್ಯಕ್ರಮದಲ್ಲಿ ಭಾಗವಹಿಸುತ್ತ ಬಂದಿರುವ ಶ್ರೀಯುತರು ಮನುಷ್ಯನನ್ನು ಉತ್ತಮನಾಗಿ ಮಾಡಲು ಇಂತಹ ಪುಸ್ತಕಗಳು ಅತ್ಯಗತ್ಯ. ಹಾಗಾಗಿ ಎಲ್ಲರೂ ಈ ಪುಸ್ತಕಗಳನ್ನು ಕೊಂಡು ಓದಿ, ಜೀವನದಲ್ಲಿ ಅದರ ತಿರುಳನ್ನು ಅನುಸರಿಸಿ ಜೀವನೋದ್ದಾರ ಮಾಡಿಕೊಳ್ಳಿ ಎಂದು ಸಮಾರಂಭದಲ್ಲಿ ಹೇಳುತ್ತಿದ್ದರು. 

ಪತ್ರಕರ್ತರಾಗಿ ಸಿ.ಎಸ್.ಕೆ. 

ಸಿಎಸ್ಕೆ ಎಂದೆ ಖ್ಯಾತನಾಮರಾಗಿದ್ದವರು ಕೃಷ್ಣಸ್ವಾಮಿಯವರು. ಪಿಟಿಐ ಸುದ್ದಿ ಸಂಸ್ಥೆಯ ಹಿರಿಯ ವರದಿಗಾರರಾಗಿ, ಅಂದಿನ ಜನಮಿತ್ರ ಸಂಪಾದಕರಾಗಿದ್ದ ಕೃ.ನ.ಮೂರ್ತಿಯವರಿಗೆ ಸಲಹೆ ಸೂಚನೆಗಳನ್ನ ನೀಡುತ್ತಾ ಆ ಪತ್ರಿಕೆಗೆ ವಿಶೇಷ ವರದಿಗಾರರಾಗಿ ಸೇವೆಸಲ್ಲಿಸಿದ್ದ ಇವರು, ಹಾಸನ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಪ್ರಧಾನ ಕಾರ್ಯದರ್ಶಿಯಾಗಿಯೂ ಸೇವೆ ಸಲ್ಲಿಸಿದ್ದಾರೆ. ಇವರ ಗೌರವ ಸಂಪಾದಕತ್ವದಲ್ಲಿ ಅನೇಕ ಸ್ಥಳೀಯ ದಿನಪತ್ರಿಕೆ ಮತ್ತು ವಾರಪತ್ರಿಕೆಗಳು ಹೊರಬಂದಿದ್ದು, ಅವರೆಲ್ಲರು ಇಂದು ಅವರ ಸಹಕಾರವನ್ನ ಮರೆಯದೇ ನೆನಪಿಸಿಕೊಳ್ಳುತ್ತಾರೆ. 1970ರ ದಶಕದಲ್ಲಿ ಮುದ್ರಾಸ್ ನಲ್ಲಿ ಪ್ರಕಟಗೊಳ್ಳುತ್ತಿದ್ದ ಯುವಭಾರತೀ ಎಂಬ ಮಾಸಿಕ ಪತ್ರಿಕೆಗೆ ಹಾಸನ ಜಿಲ್ಲಾ ಅಧಿಕೃತ ಏಜೆಂಟ್ ರಾಗಿ ಮತ್ತು ಸಂಚಾಲಕರಾಗಿ ಸೇವೆ ಸಲ್ಲಿಸಿದ್ದಾರೆ.

   

ಅದ್ರಲ್ಲೂ 2015ರಲ್ಲಿ ಪ್ರಾರಂಭಿಸಿದ ಹಾಸನದ ಮೊಟ್ಟಮೊದಲ ವೆಬ್ ನ್ಯೂಸ್ ಪೋರ್ಟಲ್ "ಕೊಂಡಿ ನ್ಯೂಸ್". ಮೊದಲು ಬ್ಲಾಕ್ ಸ್ಪಾಟ್ ನಲ್ಲಿ ಸುದ್ದಿ ಬಿತ್ತರಿಸುತ್ತಿದ್ದ ನನಗೆ ಅಧಿಕೃತವಾಗಿ ಅಂತರ್ಜಾಲ ಸುದ್ದಿ ಮಾಧ್ಯಮ ತೆರೆಯಲು ಆರ್ಥಿಕ ನೆರವನ್ನ ನೀಡಿ 'ಕೊಂಡಿನ್ಯೂಸ್' ಪ್ರಾರಂಭಕ್ಕೆ ಬೆಂಬಲಿಸಿ ಪ್ರೋತ್ಸಾಹಿಸಿದವರಲ್ಲಿ ಪ್ರಮುಖರು ಸಿ.ಎಸ್.ಕೆ.ಎಂದರೆ ತಪ್ಪಾಗದು. 5 ವರ್ಷಗಳಲ್ಲಿ 8ಲಕ್ಷಕ್ಕೂ ಅಧಿಕ ವೀಕ್ಷಕರನ್ನ ಹೊಂದಿದ್ದ, ಅವರ ಮಾರ್ಗದರ್ಶನದಲ್ಲಿಯೇ ಸಾಗುತ್ತಾ ಬಂದಿದ್ದ ಕೊಂಡಿನ್ಯೂಸ್ ನ್ಯೂಸ್ ಪೋರ್ಟಲ್ ನ್ನ ಕಾರಣಾಂತರದಿಂದ ನಾನು ಮುಂದುವರೆಸಿಕೊಂಡು ಹೋಗಲು ಸಾಧ್ಯವಾಗಲಿಲ್ಲ. ಬದಲಿಗೆ ನನ್ನ ಸ್ನೇಹಿತ ಶಶಿಕುಮಾರ್ ಮತ್ತು ಅವರ ಸ್ನೇಹಿತರು ಹೊಣೆಹೊತ್ತುಕೊಂಡು ಮುನ್ನೆಡೆಸುತ್ತಿದ್ದು, ಇಂದು 9ಲಕ್ಷಕ್ಕೂ ಅಧಿಕ ವೀಕ್ಷಕರನ್ನ ಸಂಪಾದಿಸಿದ್ದಾರೆ. ಈ ಬಾರಿಯ ಹಾಸನಾಂಬೆ ದರ್ಶನದ ವೇಳೆ ಹಾಸನಾಂಬೆ ವಿಶೇಷಾಂಕ ಎಂಬ ವಿಶೇಷ ಸಂಚಿಕೆಯೊಂದನ್ನ ಹೊರತಂದು ಪರೋಕ್ಷವಾಗಿ ಅವರಿಗೆ ಸಮರ್ಪಿಸಿದ್ದರು. ಇನ್ನು ಮುಂದಿನ ತಿಂಗಳು ಕೊಂಡಿನ್ಯೂಸ್ ಪ್ರಾದೇಶಿಕ ನ್ಯೂಸ್ ಪೋರ್ಟಲ್ ಆಗಿ ಹೊರಹೊಮ್ಮುತ್ತಿದ್ದು, ಅವರಿಂದಲೇ ಚಾಲನೆ ಮಾಡಿಸಬೇಕೆಂದುಕೊಂಡಿದ್ದರು. ಆದ್ರೆ ಅದಕ್ಕೂ ಮೊದಲೇ ಅಗಲಿದ್ದು ಕೊಂಡಿನ್ಯೂಸ್ ನ-ಕೊಂಡಿ ಕಳಚಿದ್ದು ನೋವಿನ ಸಂಗತಿ. 

"ಕುಂಭೇನಹಳ್ಳಿ" ಎಂದೇ ಮೂದಲಿಸುತ್ತಿದ್ದರು: 

ಅಲ್ಲದೇ ನಾನು ರಾಜ್ ನ್ಯೂಸ್ ವಾಹಿನಿಯಲ್ಲಿದ್ದಾಗಲೂ ನನಗೆ ಜಿಲ್ಲೆಯ ಅನೇಕ ವಿಚಾರಗಳನ್ನ ತಿಳಿಸುತ್ತ, ವಿಶೇಷ ವರದಿಗಳನ್ನ ಮಾಡಲು ಸಹಕಾರ ನೀಡಿದಷ್ಟೆಯಲ್ಲದೇ, ಸುದ್ದಿಟಿವಿಯಲ್ಲಿದ್ದಾಗಲೂ ಮಾರ್ಗದರ್ಶಕರಾಗಿದ್ದರು. ಅನೇಕ ಬಾರಿ ನನ್ನ ಮತ್ತು ಅಂಬಿಕಾ ಪ್ರಸಾದ್ ರನ್ನ ಮನೆಗೆ ಕರೆಸಿಕೊಂಡು ಸಾಕಷ್ಟು ವಿಚಾರಗಳನ್ನ ಹಂಚಿಕೊಳ್ಳುತ್ತಿದ್ದರು. ಹೋದಾಗಲೆಲ್ಲಾ ಕುಂಭೇನಹಳ್ಳಿ ಎಂದು ಮೂದಲಿಸಿ ಆತ್ಮಿಯತೆಯಿಂದ ಮಾತನಾಡುತ್ತಿದ್ದರು. ನನ್ನ ಹಾಸನದ ಪತ್ರಿಕೋದ್ಯಮದ ಗುರುಗಳಾಗಿ ಮಾರ್ಗದರ್ಶಕರಾಗಿ ಇದ್ದ ಇವರು ಇಂದು ಕೊನೆಯುಸಿರೆಳೆದರು ಎಂಬ ಮಾತು ಕೇಳಿ ಮನಸ್ಸಿಗೆ ಬಹಳ ನೋವುಂಟಾಯಿತು. 

ಅನಾರೋಗ್ಯದ ನಡುವೆಯೂ ಸಾಮಾಜಿಕ ಕಾರ್ಯದಲ್ಲಿ ತೊಡಗುತ್ತಿದ್ದರು. ನರೇಂದ್ರ ಮೋದಿ ಅಭಿಮಾನಗಳ ಸಂಘದ ಜಿಲ್ಲಾಧ್ಯಕ್ಷರಾಗಿ ಸಲ್ಲಿಸಿದ್ದಾರೆ. ಹಾಸನ ದುದ್ದ ಮಾರ್ಗದ ರಸ್ತೆ ನಿರ್ಮಾಣ ಕಾರ್ಯಕ್ಕೆ ಸಾಕಷ್ಟು ಪ್ರತಿಭಟನೆ ಮಾಡಿ ಸರ್ಕಾರದ ಗಮನ ಸೆಳೆದಿದ್ರು. ಇದಲ್ಲದೇ ರುದ್ರಭೂಮಿ ಅಭಿವೃದ್ದಿ ಮಂಡಳಿ, ವೈದಿಕ ಮಂಡಳಿ,ರಾಷ್ಟ್ರ ಹಿತರಕ್ಷಣಾ ವೇದಿಕೆ, ಶನೈಶ್ಚರ ದೇವಾಲಯ, ಶಂಕರ ಜಯಂತೋತ್ಸವ, ವಿರೂಪಾಕ್ಷೇಶ್ವರ ದೇವಾಲಯಕ್ಕೆ ಸಾಕಷ್ಟು ಅಭಿವೃದ್ದಿ ಕಾರ್ಯವನ್ನ ಮಾಡಿದವರಲ್ಲಿ ಇವರು ಮೊದಲಿಗರು. ಇದಲ್ಲದೇ ವಿಪ್ರ ಪಾಕತಜ್ಞ ತಜ್ಞರನ್ನ ಒಗ್ಗೂಡಿಸಿ ಸಂಘ ಸ್ಥಾಪನೆ ಮಾಡಿ ಅವರಿಗೆ ಮಾರ್ಗದರ್ಶಕರಾಗಿದ್ದವರು ಸಿ.ಎಸ್.ಕೆ.

  

ಎಲ್ಲರನ್ನ ಅಗಲಿದ ಮಹಾ ಚೇತನ: (ನಿಧನ: 20.12.2019)

ಹೌದು ಕಳೆದ ವಾರದಿಂದ ತೀವ್ರ ಅನಾರೋಗ್ಯದಿಂದ ಬಳಲುತ್ತಿದ್ದ ಇವರು,ಬೆಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಇಂದು ಅವರ ಮಗಳು ಲಕ್ಷ್ಮಿ ಮನೆಯಲ್ಲಿ ನಿಧನರಾಗಿದ್ದು, ಅವರ ಸಾವಿನ ದುಃಖವನ್ನ ಭರಿಸುವ ಶಕ್ತಿಯನ್ನ ಆ ಕುಟುಂಬಕ್ಕೆ ದೇವರು ನೀಡಲಿ. ಅವರ ಆತ್ಮಕ್ಕೆ ಶಾಂತಿ ನೀಡಲಿ. ಅಂತಹ ಮಹಾನ್ ಚೇತನಕ್ಕೆ ಕೊಂಡಿನ್ಯೂಸ್ ಪರವಾಗಿಯೂ ಭಾವಪೂರ್ಣ ಶ್ರದ್ದಾಂಜಲಿ... 

  • ಸುನೀಲ್ ಕುಂಭೇನಹಳ್ಳಿ, ವಿಷಯ ಸಂಪಾದಕ, ಈಟಿವಿ ನ್ಯೂಸ್, ಹಾಸನ.
Last modified on Saturday, 21 December 2019 00:35
Friday, 20 December 2019 00:00
Rate this item
(0 votes)

ಶ್ರವಣಬೆಳಗೊಳ: ಜನವರಿ ತಿಂಗಳಲ್ಲಿ ನಡೆಯುವ ಸುತ್ತೂರು ಜಾತ್ರಾ ಮಹೋತ್ಸವದ ಅಂಗವಾಗಿ ಶಿವರಾತ್ರಿಶ್ವರ ಶಿವಯೋಗಿಗಳ ಪ್ರಚಾರರಥಕ್ಕೆ ಇವತ್ತು ಶ್ರವಣಬೆಳಗೊಳಕ್ಕೆ ಆಗಮಿಸಿತು. ಪುಷ್ಪಾಲಂಕೃತಗೊಂಡ ಪ್ರಚಾರ ರಥಕ್ಕೆ ಶ್ರವಣಬೆಳಗೊಳದ ಜೈನಮಠದ ಶ್ರೀ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿಯವರು ಭಕ್ತಿ ಪೂರ್ವಕ ನಮನ ಸಲ್ಲಿಸಿ ಭವ್ಯವಾಗಿ ಬರಮಾಡಿಕೊಂಡರು.

ಜಗದ್ಗುರು ಶ್ರೀ ಶಿವರಾತ್ರಿಶ್ವರ ಶಿವಯೋಗಿಗಳ ಜಾತ್ರಾ ಮಹೋತ್ಸವ ಜನವರಿ ತಿಂಗಳಲ್ಲಿ ಜರುಗಲಿದ್ದು ಪೂರ್ವಭಾವಿಯಾಗಿ ಸಂಚಾರಿ ರಥ ವಿವಿಧ ಜಿಲ್ಲೆಗಳಲ್ಲಿ ಸಂಚರಿಸಿ ಭಕ್ತಾದಿಗಳಿಗೆ ಆಹ್ವಾನ ಮಾಡಲಾಗುತ್ತಿದೆ. ರಥವನ್ನ ಬರಮಾಡಿಕೊಂಡ ಬಳಿಕ ಸಂಚಾರಿ ರಥ ಶ್ರವಣಬೆಳಗೊಳದ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿ ಭಕ್ತರಿಗೆ ದರ್ಶನ ಭಾಗ್ಯ ನೀಡಿತು. 

ಸುತ್ತೂರು ಮಠದಲ್ಲಿ ಪ್ರತಿವರ್ಷ ನಡೆಯುವ ಜಾತ್ರಾ ಮಹೋತ್ಸವಕ್ಕೆ ರಾಜ್ಯದ ಮೂಲೆಮೂಲೆಗಳಿಂದ ಅಷ್ಟೇ ಅಲ್ಲದೆ ಹೊರ ರಾಜ್ಯಗಳಿಂದ ಲಕ್ಷಾಂತರ ಭಕ್ತರು ಬಂದು ಉತ್ಸವದಲ್ಲಿ ಪಾಲ್ಗೊಳ್ಳುತ್ತಾರೆ. ಸಂಚಾರಿ ರಥ ಶ್ರವಣಬೆಳಗೊಳದ ಮೂಲಕ ಕಿಕ್ಕೇರಿ ಮಾರ್ಗವಾಗಿ ಕೆಆರ್ ಪೇಟೆ ತಲುಪಲಿದ್ದು ಬಳಿಕ ಶ್ರೀರಂಗಪಟ್ಟಣ ಮಾರ್ಗವಾಗಿ ಮೈಸೂರು ತಲುಪಲಿದೆ.

  • ಗೀತ ಪ್ರದೀಪ್ ಶ್ರವಣಬೆಳಗೊಳ
Last modified on Friday, 20 December 2019 17:13
Thursday, 19 December 2019 00:00
Rate this item
(0 votes)

ತುಮಕೂರು : ಪ್ರತಿಯೊಬ್ಬರು ಪ್ರತ್ಯೇಕ ಬ್ರಷ್‌ನಲ್ಲಿ ಹಲ್ಲು ಉಜ್ಜುವು ಅಭ್ಯಾಸ ಇಟ್ಟಿಕೊಳ್ಳಬೇಕು. ಯಾವುದೇ ಆಹಾರ ಪದಾರ್ಥ ಸೇವಿಸಿದ ಮೇಲೆ ನೀರಿನಲ್ಲಿ ಬಾಯಿ ಮುಕ್ಕಳಿಸಬೇಕು. ಹಲ್ಲು ಉಜ್ಜುವಾಗ ವಸಡಿನಲ್ಲಿ ರಕ್ತಸ್ರಾವವಾಗುತ್ತಿದ್ದರೆ ವೈದ್ಯರ ಸಲಹೆ ಪಡೆದುಕೊಳ್ಳಬೇಕು ಎಂದು ಸಿದ್ದಾರ್ಥ ದಂತ ವೈದ್ಯಕೀಯ ಮಹಾವಿದ್ಯಾಲಯದ ಡಾ.ಅರವಿಂದ್ ಮಕ್ಕಳಿಗೆ ತಿಳಿ ಹೇಳಿದ್ರು. 

ನಗರದ ಹೊರವಲಯದ ಗೂಳೂರಿನಲ್ಲಿರುವ ಪೋದಾರ್ ಇಂಟರ್ ನ್ಯಾಷನಲ್ ಸ್ಕೂಲ್ ನ ಮಕ್ಕಳಿಗೆ ಸಿದ್ದಾರ್ಥ ದಂತ ವೈದ್ಯಕೀಯ ಮಹಾವಿದ್ಯಾಲಯ ಸಹಯೋಗದಲ್ಲಿ ಆಯೋಜಿಸಲಾಗಿದ್ದ ಉಚಿತ ದಂತ ತಪಾಸಣಾ ಶಿಬಿರದ ವೇಳೆ ಮಕ್ಕಳಿಗೆ ಆರೋಗ್ಯ ತಪಾಸಣೆ ಮಾಡಿದ ಬಳಿಕ ಮಾತನಾಡಿದ್ರು. ಪ್ರತಿನಿತ್ಯ ಬೆಳಗ್ಗೆ ಮತ್ತು ರಾತ್ರಿ ತಪ್ಪದೆ ಬ್ರಷ್ ಮಾಡಬೇಕು ಎಂದು ಪುಟ್ಟಮಕ್ಕಳಿಗೆ ಕಿವಿಮಾತು ಹೇಳಿದರಷ್ಟೆರಯಲ್ಲದೇ ಮಕ್ಕಳಿಗೆ ದಂತಗಳ ರಕ್ಷಣೆ ಕುರಿತು ಪ್ರಾತ್ಯಕ್ಷಿಕೆ ಮೂಲಕ ವಿವರಿಸಿದರು. 70ಕ್ಕೂ ಹೆಚ್ಚು ಮಕ್ಕಳಿಗೆ ದಂತ ತಪಾಸಣೆ ನಡೆಸಿ ಅವರ ಪಾಲಕರಿಗೆ ಸಲಹೆ ಸೂಚನೆಯನ್ನು ನೀಡಿದರು. 

ಇದೇ ವೇಳೆ ಮಾತನಾಡಿದ ಡಾ. ಅಶ್ವಿತಾ ಮಾತನಾಡಿ ಮೂರು ಮಕ್ಕಳಲ್ಲಿ ಒಂದು ಮಕ್ಕಳಿಗೆ ಹುಳುಕು ಹಲ್ಲಿನ ಸಮಸ್ಯೆಯಿದೆ. ಮಕ್ಕಳ ಚಿಕ್ಕವಯಸ್ಸಿನಿಂದಲೇ ಹಲ್ಲುಗಳ ಆರೋಗ್ಯದ ಬಗ್ಗೆ ಕಾಳಚಿ ವಹಿಸಬೇಕು.ಈಗಿನ ಜೀವನ ಶೈಲಿ ಬದಲಾವಣೆಯಿಂದ ಮಕ್ಕಳು ಸಿಹಿತಿನಿಸುಗಳು, ಬೇಕರಿ ತಿನಿಸು ಮುಂತಾದ ಜಂಕ್ ಫುಡ್‌ಗಳನ್ನು ಹೆಚ್ಚಾಗಿ ಸೇವಿಸುತ್ತಿರುವುದರಿಂದ ಬೇಗ ಹಲ್ಲುಗಳು ಹಾಳಾಗುತ್ತಿವೆ ಎಂದ್ರು. 

ಶೈಕ್ಷಣಿಕ ಕ್ಷೇತ್ರದಲ್ಲಿ ಉತ್ತಮ ಹೆಸರು ಗಳಿಸಿರುವ ಪೋದರ್ ಇಂಟರ್ ನ್ಯಾಷನಲ್ ಸ್ಕೂಲ್‌ನಲ್ಲಿ ಮಕ್ಕಳಿಗಾಗಿ ಉಚಿತ ದಂತ ತಪಾಸಣಾ ಶಿಬಿರವನ್ನು ಆಯೋಜಿಸಲಾಗಿತ್ತು. ಈ ವೇಳೆ ಶಾಲೆಯ ಪ್ರಾಂಶುಪಾಲರಾದ ರಾಜ್‌ ಹುಲಿಮನಿ, ಮುಖ್ಯೋಪಾಧ್ಯಾಯರಾದ ಯಲ್ಲಮ್ಮ ಉಪ್ಪಿನ್ ಸೇರಿದಂತೆ ಶಾಲಾ ಸಿಬ್ಬಂದಿಗಳು ಕಾರ್ಯಕ್ರಮದಲ್ಲಿ ಹಾಜರಿದ್ದರು. 

  • ಶಂಕರೇಗೌಡ, ಕೊಂಡಿನ್ಯೂಸ್, ತುಮಕೂರು
Last modified on Thursday, 19 December 2019 18:38
Friday, 29 November 2019 00:00
Rate this item
(0 votes)

Hassan: It is not right to portray some leaders in the country as villains. Sahiti Baraguru Ramachandrappa said that the history of history should not be harmonized. 

State Children's Sahitya Parishad inaugurated the two-day All-India Kannada Children's Literary Conference organized under the auspices of the Adichunchanagiri Branch Math at the District Stadium. 

Children should be cultivated with a quality that is more credible to humanity than caste religion. The crow's pathos should be ideal. This is because the crow increases the offspring of the cuckoo. There may be disagreement between Gandhi and Ambedkar. No one else should be portrayed as a villain. He expressed his displeasure that the Kankana state was being built instead of building a welfare state. 53 per cent of girls have been sexually exploited, with female feticide being the most common in India. He demanded the implementation of the Equal School Education Policy, which aims to promote equality among young people. 

Nirmalanandanath Swamiji, the Chairperson of the Adi Chunchanagiri Math, said that many Kannada fairs have been held here since Kuvempu. Still, the language of Kannada and literature is on the rise. If the literary thinking in the mind of a young mind is lost, the Kannada language that is lost will be enriched again. He said that the poetry anthologies of the young poets were hoping to regenerate Kuvempu, Bendre and Pampa in Kannada. To the extent that children's imprisonment is pure, the change in society can be better if the adult's endurance is pure. Written with emotion, the lyrics come out. Literature is the property of the country. If the intuition is pure, such literature will last. Let the literary world spread everywhere. 

President of Children's Sahitya Parishad Ashok said the nationwide children's literary conference is historic and that only children can change in today's system. In the morning, the children's Sahitya Parishad flag march was performed by CN Ashok and the national flag was Shambhunath Swamiji. 

Member of the Method Council Gopalaswamy, Shambhunath Swamiji of Adichunchanagiri branch, Prakash, deputy director of public education department, journalist BR Udai Kumar, children's Sahitya Parishad district president Suresh Gurujee, educator Rudresh, president of Kannada Sahitya Parishad district unit Revant Rajeev, Pradyumm's idol, Abhishek Ubha February attended the event. 

Poetry Compilation Release

Nirmalanandanath Swamiji, Baraguru Ramachandrappa, Chairperson of the conference released a number of poetry anthologies, including the poems of young poets, Pevilugari, Padmaraga, Chiguru, Saugandhika, Valla, Chittara. The children came from Delhi, Haryana, Maharashtra, Kerala, Andhra Pradesh, Goa, Mumbai, Madras. 

Desi game swallow video game

Speaking at the conference, Keerthi Nayak, president of the conference, said that mobile games' video games are swallowing up traditional games such as lagori, marakothi, cinnamon, barbed wire, chowkabara and eagle house games. "The conference is a great platform for us to get out of the confusion and put out our energy and talent," he said. 

There are many problems in Kannada Nadu, Nadi, water, the closing Kannada media school, the central government stepmother's job creation. The Karnataka Unification Movement is of the view that the problems can be remedied only if there is a repeat. The condition of the mirror, which has become so lonely, is that the revenge of the beast, which is beyond its remorselessness, shines in our song. If Kannada is to be awakened in Kannadigane, Kuvempu's beating is the talk of Kannada Dindamava O 'Karnataka Hriday Shiva, Sattantiharu'. 

The parade that caught the eye

Additional Police Superintendent B.S. Nandini drove by looking like a green niche. He said that children should continue to work on increasing the reputation of Nadu and further enriching Kannada, Nadu and Nadi. The parade was held at the Mysore plaque where the President of the Tumkur district, Keerthana Nayak of the Tumkur district, Rayant Rajeev of the Mandya district, Pradyam Murthy of the Dakshina Kannada district and Abhishek Ubhali of Delhi. School students from various districts of the state and the state participated in the march. The students in disguise got the attention of everyone. Somnama, Mellow, Leather Band, Yakshagana, Riding Horse, Hollow, Riot, Brass Band, caught the eye. N. R. Circular route was reached via District Collector's Office, Shankaramath Road, Mahatma Gandhi Road, District Stadium. 

Leader H.S. Anil Kumar, Deputy Secretary of the District Panchayat Mahesh, Senior Assistant Director of Information Department Vinod Chandra, Tahsildar Meghna, Social Worker Mahantappa were also present.

Meals for children

Counters have been arranged for meals for tens of thousands of children. The children were served a midday meal in a separate shamiana inside the stadium. To taste the sliced, vegetable bath, pickle and mozzarella. 

Bookstore for over fifty

More than fifty stores have been opened for display and sale of books. A collection of children's poetry, works, and adult literature, fiction, and poetry anthologies are on sale. A large number of children were found near bookstores.

Kondinews, Hassan

Last modified on Sunday, 01 December 2019 00:45
Friday, 29 November 2019 00:00
Rate this item
(0 votes)

ಹಾಸನ: ದೇಶದಲ್ಲಿ ಕೆಲ ನಾಯಕರನ್ನು ಖಳನಾಯಕರಾಗಿ ಬಿಂಬಿಸುತ್ತಿರುವುದು ಸರಿಯಲ್ಲ. ಚರಿತ್ರೆಯ ಚಾರಿತ್ರ್ಯ ಹರಣ ಮಾಡಬಾರದು ಎಂದು ಸಾಹಿತಿ ಬರಗೂರು ರಾಮಚಂದ್ರಪ್ಪ ಹೇಳಿದರು.

ರಾಜ್ಯ ಮಕ್ಕಳ ಸಾಹಿತ್ಯ ಪರಿಷತ್‌, ಆದಿಚುಂಚನಗಿರಿ ಶಾಖಾ ಮಠದ ಆಶ್ರಯದಲ್ಲಿ ಜಿಲ್ಲಾ ಕ್ರೀಡಾಂಗಣದಲ್ಲಿ ಆಯೋಜಿಸಿರುವ ಎರಡು ದಿನಗಳ ಪ್ರಥಮ ಅಖಿಲ ಭಾರತ ಕನ್ನಡ ಮಕ್ಕಳ ಸಾಹಿತ್ಯ ಸಮ್ಮೇಳನ ಉದ್ಘಾಟಿಸಿ ಮಾತನಾಡಿದರು.

ಮಕ್ಕಳಲ್ಲಿ ಜಾತಿ ಧರ್ಮಕ್ಕಿಂತ ಮನುಷತ್ವಕ್ಕೆ ಮನ್ನಣೆ ನೀಡುವ ಗುಣವನ್ನು ಬೆಳೆಸಬೇಕು. ಕಾಗೆಯ ಕಾರುಣ್ಯ ಆದರ್ಶವಾಗಿಸಬೇಕು. ಏಕೆಂದರೆ ಕೋಗಿಲೆಯ ಸಂತತಿ ಹೆಚ್ಚಿಸುವುದು ಕಾಗೆ. ಗಾಂಧಿ, ಅಂಬೇಡ್ಕರ್‌ ನಡುವೆ ಭಿನ್ನಾಭಿಪ್ರಾಯ ಇರಬಹುದು. ಅದಕ್ಕಾಗಿ ಮತ್ತೊಬ್ಬರನ್ನು ಖಳನಾಯಕರನ್ನಾಗಿ ಚಿತ್ರಿಸಬಾರದು. ಕಲ್ಯಾಣ ರಾಜ್ಯ ನಿರ್ಮಾಣ ಮಾಡುವ ಬದಲು ಕಾಂಚಾಣ ರಾಜ್ಯ ನಿರ್ಮಾಣ ಮಾಡುತ್ತಿದ್ದೇವೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು. ದೊಡ್ಡವರಲ್ಲಿ ಮಕ್ಕಳ ಮನಸ್ಸು ಹುಟ್ಟಿದರೆ ಸಮಾಜದಲ್ಲಿ ಸಮಾನತೆ ಮೂಡಲಿದೆ. ಕುವೆಂಪು ಅವರ ವೈಚಾರಿಕತೆ, ಗಾಂಧೀಜಿ ಅವರ ಹಿಂದೂ ಧರ್ಮದ ಸಹಿಷ್ಣುತೆ, ವಿವೇಕಾನಂದರಂತಹ ವ್ಯಕ್ತಿತ್ವ, ಬೇಡರ ಕಣ್ಣಪ್ಪ-ಶಬರಿಯಂತಹ ಭಕ್ತರು, ಪಂಪ-ಬಸವಣ್ಣನವರ ಮನುಷ್ಯ ಕುಲ ಒಂದೇ ಎಂಬ ಮನೋಧರ್ಮ ಇಂದಿನ ಜನ ಸಮುದಾಯದಲ್ಲಿ ಮೂಡಬೇಕಿದೆ ಎಂದು ಅಭಿಪ್ರಾಯಪಟ್ಟರು. 

ರಿಯಾಲಿಟಿ ಶೋಗಳಲ್ಲಿ ಮಕ್ಕಳ ಮುಗ್ಧತೆ ಮರೆ ಮಾಚಿ ಅಸಹಜ ರೀತಿಯಲ್ಲಿ ದೊಡ್ಡವರಂತೆ ಬಿಂಬಿಸುವುದರ ಕುರಿತು ಬೇಸರ ವ್ಯಕ್ತಪಡಿಸಿದರು. ಅಂಕಿ ಅಂಶದ ಪ್ರಕಾರ ರಾಜ್ಯದಲ್ಲಿ ಶೇಕಡಾ 72ರಷ್ಟು ಮಕ್ಕಳು ಸರ್ಕಾರಿ ಶಾಲೆಯಲ್ಲಿ ಕಲಿಯುತ್ತಿದ್ದಾರೆ. ಪ್ರತಿ ವರ್ಷ 1,60,779 ಮಕ್ಕಳು ಶಾಲೆ ಬಿಡುತ್ತಿದ್ದು, 6 ಲಕ್ಷ ಮಕ್ಕಳು ಬಾಲ ಕಾರ್ಮಿಕರಾಗಿದ್ದಾರೆ. ದೇಶದಲ್ಲಿ ಹುಟ್ಟಿದ ದಿನವೇ 3.9 ಲಕ್ಷ ಮಕ್ಕಳು ಸಾಯುತ್ತಿದ್ದಾರೆ. ಶೇಕಡಾ 53 ರಷ್ಟು ಹೆಣ್ಣು ಮಕ್ಕಳು ಲೈಂಗಿಕ ಶೋಷಣೆಗೆ ಒಳಗಾಗುತ್ತಿದ್ದು, ಹೆಣ್ಣು ಭ್ರೂಣ ಹತ್ಯೆ ಭಾರತದಲ್ಲಿಯೇ ಹೆಚ್ಚು ನಡೆಯುತ್ತಿದೆ. ಹಸುಗೂಸುಗಳ ಮಧ್ಯೆ ಸಮಾನತೆ ಬಿತ್ತುವ ಸಮಾನ ಶಾಲಾ ಶಿಕ್ಷಣ ನೀತಿ ಜಾರಿಗೆ ಬರಬೇಕು ಎಂದು ಆಗ್ರಹಿಸಿದರು. 

ಆದಿ ಚುಂಚನಗಿರಿ ಮಠದ ಪೀಠಾಧ್ಯಕ್ಷ ನಿರ್ಮಲಾನಂದನಾಥ  ಸ್ವಾಮೀಜಿ ಮಾತನಾಡಿ, ಕುವೆಂಪು ಕಾಲದಿಂದ ಇಲ್ಲಿ ತನಕ ಹಲವು ಕನ್ನಡ ಜಾತ್ರೆಗಳು ನಡೆದಿವೆ. ಆದರೂ ಕನ್ನಡ ಭಾಷೆ, ಸಾಹಿತ್ಯ ಕುಂಟುತ್ತಾ ಸಾಗುತ್ತಿದೆ. ಎಳೆಯ ಮನಸ್ಸಿನಲ್ಲಿ ಸಾಹಿತ್ಯ ಚಿಂತನೆ ಮೂಡಿದರೆ ಸೋರಗುತ್ತಾ ಸಾಗಿರುವ ಕನ್ನಡ ಭಾಷೆ ಮತ್ತೆ ಸಮೃದ್ಧವಾಗುತ್ತದೆ. ಯುವ ಕವಿಗಳ ಕವನ ಸಂಕಲನಗಳು ಕನ್ನಡ ನಾಡಿನಲ್ಲಿ ಪುನಃ ಕುವೆಂಪು, ಬೇಂದ್ರೆ, ಪಂಪ ಹುಟ್ಟುವರೆಂಬ ಆಶಯ ಮೂಡಿಸಿದವು ಎಂದು ಹೇಳಿದರು. ಮಕ್ಕಳ ಅಂತಃಕರಣ ಶುದ್ಧವಿರುವ ಮಟ್ಟಕ್ಕೆ ದೊಡ್ಡವರ ಅಂತಃಕರಣವು ಶುದ್ಧವಾದಲ್ಲಿ ಸಮಾಜದಲ್ಲಿ ಉತ್ತಮ ಬದಲಾವಣೆ ಸಾಧ್ಯ. ಭಾವನೆ ಇಟ್ಟುಕೊಂಡು ಬರೆದರೆ ಅದ್ಬುತ ಸಾಹಿತ್ಯ ಹೊರ ಬರುತ್ತದೆ. ಸಾಹಿತಿಗಳು ದೇಶದ ಆಸ್ತಿ. ಅಂತಪ್ರಜ್ಞೆ ನಿರ್ಮಲವಾಗಿದ್ದರೆ ಅಂತಹ ಸಾಹಿತ್ಯ ಚಿರಕಾಲ ಉಳಿಯುತ್ತದೆ. ಸಾಹಿತ್ಯ ಪ್ರಭೆ ಎಲ್ಲ ಕಡೆ ಪಸರಿಸಲಿ ಎಂದು ನುಡಿದರು. 

ಪ್ರಾಸ್ತಾವಿಕ ನುಡಿಗಳನ್ನಾಡಿದ ಮಕ್ಕಳ ಸಾಹಿತ್ಯ ಪರಿಷತ್‌ ಅಧ್ಯಕ್ಷ ಚ.ನ. ಅಶೋಕ್, ದೇಶ ಕಟ್ಟುವ ಮಕ್ಕಳ ಸಾಹಿತ್ಯ ಸಮ್ಮೇಳನ ಐತಿಹಾಸಿಕವಾಗಿದ್ದು, ಇಂದಿನ ವ್ಯವಸ್ಥೆಯಲ್ಲಿ ಮಕ್ಕಳಿಂದಷ್ಟೇ ಬದಲಾವಣೆ ಬಯಸಲು ಸಾಧ್ಯ ಎಂದರು. ಬೆಳಗ್ಗೆ ಕ್ರೀಡಾಂಗಣದಲ್ಲಿ ಮಕ್ಕಳ ಸಾಹಿತ್ಯ ಪರಿಷತ್ ಧ್ವಜಾರೋಹಣವನ್ನು ಸಿ.ಎನ್‌.ಅಶೋಕ್‌, ರಾಷ್ಟ್ರಧ್ಜಜಾರೋಹಣವನ್ನು ಶಂಭುನಾಥ ಸ್ವಾಮೀಜಿ ನೆರವೇರಿಸಿದರು. 

ವಿಧಾನ ಪರಿಷತ್ ಸದಸ್ಯ ಎಂ.ಎ. ಗೋಪಾಲಸ್ವಾಮಿ,  ಆದಿಚುಂಚನಗಿರಿ ಶಾಖಾ ಮಠದ ಶಂಭುನಾಥ ಸ್ವಾಮೀಜಿ, ಸಾರ್ವಜನಿಕ ಶಿಕ್ಷಣ ಇಲಾಖೆ ಉಪನಿರ್ದೇಶಕ  ಪ್ರಕಾಶ್, ಪತ್ರಕರ್ತ ಬಿ.ಆರ್.ಉದಯ್ ಕುಮಾರ್, ಮಕ್ಕಳ ಸಾಹಿತ್ಯ ಪರಿಷತ್‌ ಜಿಲ್ಲಾಧ್ಯಕ್ಷ ಸುರೇಶ್ ಗುರೂಜೀ, ಶಿಕ್ಷಣಾಧಿಕಾರಿ ರುದ್ರೇಶ್, ಕನ್ನಡ ಸಾಹಿತ್ಯ ಪರಿಷತ್ ಜಿಲ್ಲಾ ಘಟಕದ ಅಧ್ಯಕ್ಷ ನಾಯಕರಹಳ್ಳಿ ಮಂಜೇಗೌಡ, ಹೇಮಾವತಿ ಸಕ್ಕರೆ ಕಾರ್ಖಾನೆ ಅಧ್ಯಕ್ಷ ವೆಂಕಟೇಶ್‌, ಸಮ್ಮೇಳನದ ಸಹ ಅಧ್ಯಕ್ಷರಾದ ರೇವಂತ್ ರಾಜೀವ್, ಪ್ರದ್ಯುಮ್ನ ಮೂರ್ತಿ, ಅಭಿಷೇಕ್ ಉಭಾಳೆ ಹಾಜರಿದ್ದರು. 

ಕವನ ಸಂಕಲನ ಬಿಡುಗಡೆ 

ಸಮ್ಮೇಳನದಲ್ಲಿ ಯುವ ಕವಿಗಳ ನವಿಲುಗರಿ, ಪದ್ಮಾರಾಗ, ಚಿಗುರು, ಸೌಗಂಧಿಕ, ಮೌಲ್ಯ, ಚಿತ್ತಾರ ಸೇರಿದಂತೆ ಹಲವು ಕವನ ಸಂಕಲನಗಳನ್ನು ನಿರ್ಮಲಾನಂದನಾಥ ಸ್ವಾಮೀಜಿ, ಬರಗೂರು ರಾಮಚಂದ್ರಪ್ಪ, ಸಮ್ಮೇಳನದ ಅಧ್ಯಕ್ಷೆ ಬಿಡುಗಡೆ ಮಾಡಿದರು.  ದೆಹಲಿ, ಹರಿಯಾಣ, ಮಹಾರಾಷ್ಟ್ರ, ಕೇರಳ, ಆಂದ್ರಪ್ರದೇಶ, ಗೋವಾ, ಮುಂಬೈ, ಮದ್ರಾಸ್‌ನಿಂದ ಮಕ್ಕಳು ಬಂದಿದ್ದರು. 

ದೇಸಿ ಆಟ ನುಂಗಿದ ವಿಡಿಯೋ ಗೇಮ್‌ 

ಸಮ್ಮೇಳನದ ಸರ್ವಾಧ್ಯಕ್ಷೆ ಕೀರ್ತನಾ ನಾಯಕ್ ಮಾತನಾಡಿ, ‘ಸಾಂಪ್ರದಾಯಿಕ ಆಟಗಳಾದ ಲಗೋರಿ, ಮರಕೋತಿ, ಚಿನ್ನಿದಾಂಡು, ಆಣೆಕಲ್ಲು, ಚೌಕಾಬರ, ಅಳಿಗುಣೆ ಮನೆ ಆಟಗಳನ್ನು ಮೊಬೈಲ್‍ನ ವಿಡಿಯೋ ಗೆಮ್‍ಗಳು ನುಂಗುತ್ತಿವೆ. ಹೀಗೆ ಹಲವು ಗೊಂದಲಗಳಿಂದ ಹೊರಬಂದು ನಮ್ಮ ಶಕ್ತಿಯನ್ನು, ಪ್ರತಿಭೆಯನ್ನು ಹೊರ ಹಾಕಲು ಈ ಸಮ್ಮೇಳನ ಒಂದು ಉತ್ತಮ ವೇದಿಕೆಯಾಗಿದೆ’ ಎಂದು  ನುಡಿದರು. 

ಕನ್ನಡ ನಾಡು, ನುಡಿ, ಜಲ, ಮುಚ್ಚುತ್ತಿರುವ ಕನ್ನಡ ಮಾಧ್ಯಮ ಶಾಲೆ, ಉದ್ಯೋಗ ಸೃಷ್ಟಿಯಲ್ಲಿ ಕೇಂದ್ರ ಸರ್ಕಾರದ ಮಲತಾಯಿ ಧೋರಣೆ ಇನ್ನು ಹಲವು ಸಮಸ್ಯೆಗಳು ಕಣ್ಮುಂದಿವೆ. ಕರ್ನಾಟಕ ಏಕೀಕರಣ ಚಳುವಳಿ ಮತ್ತೆ ನಡೆದರೆ ಮಾತ್ರ ಸಮಸ್ಯೆಗಳಿಗೆ ಶಾಶ್ವತ ಪರಿಹಾರ ಸಿಗಬಹುದು ಎಂದು ಅಭಿಪ್ರಾಯಪಟ್ಟರು. ಪರಭಾಷಾ ವ್ಯಾಮೋಹಕ್ಕೆ ಸಿಲುಕಿದ ಕನ್ನಡಿಗರ ಸ್ಥಿತಿ ತನ್ನ ಮರೆಯ ಕಂಪನರಿಯದದನೆ ಹೊರಗೆ ಹುಡುಕುವ ಮೃಗದ ಸೇಡು ನಮ್ಮ ಪಾಡು ಪರರನುಡಿಗೆ ಮಿಡುಕುವ ಎಂಬತಾಗಿದೆ. ಕನ್ನಡಿಗನೆದೆಯಲ್ಲಿ ಕನ್ನಡ ಜಾಗೃತಿಗೊಳಿಸಬೇಕಾದರೆ ಕುವೆಂಪು ಅವರ ‘ಬಾರಿಸು ಕನ್ನಡ ಡಿಂಡಮವ ಓ ಕರ್ನಾಟಕ ಹೃದಯ ಶಿವ, ಸತ್ತಂತಿಹರನು ಬಡಿದೆಚ್ಚರಿಸು ಎಂಬ ಮಾತು ಪ್ರಸ್ತುತವಾಗಿದೆ ಎಂದರು. 

ಕಣ್ಮನ ಸೆಳೆದ ಮೆರವಣಿಗೆ

ಸಮ್ಮೇಳನದ ಸರ್ವಾಧ್ಯಕ್ಷರ ಮೆರವಣಿಗೆಗೆ ಹೇಮಾವತಿ ಪ್ರತಿಮೆ ಬಳಿ  ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಬಿ.ಎಸ್. ನಂದಿನಿ ಅವರು ಹಸಿರು ನಿಶಾನೆ ತೋರುವ ಮೂಲಕ ಚಾಲನೆ ನೀಡಿದರು. ನಾಡಿನ ಕಿರ್ತಿಯನ್ನು ಹೆಚ್ಚಿಸುವ ಮತ್ತು ಕನ್ನಡ, ನಾಡು, ನುಡಿಯನ್ನು ಮತ್ತಷ್ಟು ಶ್ರೀಮಂತವಾಗಿಸುವ ಕೆಲಸ ಮಕ್ಕಳಿಂದ ಮುಂದುವರಿಯಲಿ ಎಂದು ಹೇಳಿದರು. ಸರ್ವಾಧ್ಯಕ್ಷೆ ತುಮಕೂರು ಜಿಲ್ಲೆಯ ಕೀರ್ತನಾ ನಾಯಕ್,  ಸಹ ಅಧ್ಯಕ್ಷರಾದ ಮಂಡ್ಯ ಜಿಲ್ಲೆಯ ರೇವಂತ್ ರಾಜೀವ್, ದಕ್ಷಿಣ ಕನ್ನಡ ಜಿಲ್ಲೆಯ ಪ್ರದ್ಯಮ್ನ ಮೂರ್ತಿ ಮತ್ತು ದೆಹಲಿಯ ಅಭಿಷೇಕ್ ಉಭಾಳೆ ಅವರಿಗೆ ಮೈಸೂರು ಪೇಟ ತೋಡಿಸಿ,  ಪುಷ್ಪಾಲಂಕೃತ ಬೆಳ್ಳಿ ರಥದಲ್ಲಿ  ಮೆರವಣಿಗೆ ನಡೆಸಲಾಯಿತು. ಜಿಲ್ಲೆ ಹಾಗೂ ರಾಜ್ಯದ ಹಲವು ಜಿಲ್ಲೆಗಳಿಂದ ಬಂದಿದ್ದ ಶಾಲಾ ವಿದ್ಯಾರ್ಥಿಗಳು, ವಿವಿಧ ಶಾಲೆಗಳ ಆಕರ್ಷಕ ಸ್ತಬ್ಧಚಿತ್ರಗಳು ಮೆರವಣಿಗೆಯಲ್ಲಿ ಭಾಗವಹಿಸಿದ್ದವು. ಮಹನೀಯರ ವೇಷ ಧರಿಸಿದ ವಿದ್ಯಾರ್ಥಿಗಳು ಎಲ್ಲರ ಗಮನ ಸೆಳೆದರು.  ಸೋಮನ ಕುಣಿತ, ಕರಗ ಕುಣಿತ, ಚರ್ಮ ವಾದ್ಯ ತಂಡ, ಯಕ್ಷಗಾನ, ಕೀಲು ಕುದುರೆ, ಡೊಳ್ಳು ಕುಣಿತ, ಕೋಲಾಟ, ಕಂಸಾಳೆ ತಂಡಗಳ ನೋಡುಗರ ಕಣ್ಮನ ಸೆಳೆಯಿತು.  ಎನ್. ಆರ್. ವೃತ್ತ ಮಾರ್ಗವಾಗಿ  ಜಿಲ್ಲಾಧಿಕಾರಿ ಕಚೇರಿ, ಶಂಕರಮಠ ರಸ್ತೆ, ಮಹಾತ್ಮ ಗಾಂಧಿ ರಸ್ತೆ ಮೂಲಕ ಸಮ್ಮೇಳನ ನಡೆಯುವ ಜಿಲ್ಲಾ ಕ್ರೀಡಾಂಗಣ ತಲುಪಿತು.

ಮುಖಂಡ ಎಚ್.ಎಸ್. ಅನೀಲ್ ಕುಮಾರ್,  ಜಿಲ್ಲಾ ಪಂಚಾಯಿತಿ ಉಪ ಕಾರ್ಯದರ್ಶಿ ಮಹೇಶ್,  ವಾರ್ತಾ ಇಲಾಖೆ ಹಿರಿಯ ಸಹಾಯಕ ನಿರ್ದೇಶಕ ವಿನೋದ್ ಚಂದ್ರ, ತಹಶೀಲ್ದಾರ್ ಮೇಘನ, ಸಾಮಾಜಿಕ ಕಾರ್ಯಕರ್ತ ಮಹಂತಪ್ಪ ಹಾಜರಿದ್ದರು. 

ಮಕ್ಕಳಿಗೆ ಹೋಳಿಗೆ ಊಟ 

ಹತ್ತು ಸಾವಿರ ಮಕ್ಕಳಿಗೆ ಊಟ ಮಾಡಲು ಕೌಂಟರ್‌ ವ್ಯವಸ್ಥೆ ಮಾಡಲಾಗಿದೆ. ಕ್ರೀಡಾಂಗಣದಲ್ಲಿಯೇ ಪ್ರತ್ಯೇಕ ಶಾಮಿಯಾನದಲ್ಲಿ ಮಕ್ಕಳಿಗೆ ಮಧ್ಯಾಹ್ನ ಊಟ ನೀಡಲಾಯಿತು. ಹೋಳಿಗೆ, ತರಕಾರಿ ಬಾತ್‌, ಉಪ್ಪಿನಕಾಯಿ, ಮೊಸರನ್ನದ ರುಚಿ ಸವಿದರು. 

ಐವತ್ತಕ್ಕೂ ಹೆಚ್ಚು ಪುಸ್ತಕ ಮಳಿಗೆ 

ಪುಸ್ತಕಗಳ ಪ್ರದರ್ಶನ ಮತ್ತು ಮಾರಾಟಕ್ಕೆ ಐವತ್ತಕ್ಕೂ ಹೆಚ್ಚು ಹೆಚ್ಚು ಮಳಿಗೆ ತೆರೆಯಲಾಗಿದೆ. ಮಕ್ಕಳು ಬರೆದ ಕವನ ಸಂಕಲನ, ಕೃತಿಗಳು ಹಾಗೂ ಹಿರಿಯ ಸಾಹಿತಿಗಳ ಕಾದಂಬರಿ, ಕಥೆ, ಕವನ ಸಂಕಲನಗಳನ್ನು ಮಾರಾಟಕ್ಕೆ ಇಡಲಾಗಿದೆ. ಪುಸ್ತಕ ಮಳಿಗೆಗಳ ಬಳಿ ಮಕ್ಕಳು ಹೆಚ್ಚಿನ ಸಂಖ್ಯೆಯಲ್ಲಿ ಕಂಡು ಬಂದರು. 

  • kondinews, Hassan.
Sunday, 24 November 2019 00:00
Rate this item
(0 votes)

ಬೆಂಗಳೂರು: ಯಾವುದೇ ಉತ್ಸವ ಆರಂಭಿಸುವುದು ಸುಲಭ. ಆದರೆ ಅದನ್ನು ನಿತ್ಯ ವಸಂತದಂತೆ ಮುಂದುವರಿಸಿಕೊಂಡು ಹೋಗುವುದು ತುಸು ಸವಾಲಿನ ಮಾತೇ ಸರಿ ಎಂದು ಶ್ರೀ ಆದಿಚುಂಚನಗಿರಿ ಹಾಸನ ಮಹಾಸಂಸ್ಥಾನ ಮಠದ ಶ್ರೀ ಶಂಭುನಾಥ ಸ್ವಾಮಿಜೀ ಅಭಿಪ್ರಾಯಪಟ್ಟಿದ್ದಾರೆ.

ಭೈರವೈಕ್ಯ ಡಾ. ಬಾಲಗಂಗಾಧರನಾಥ ಸ್ವಾಮೀಜಿ ಅವರ ಪೋಷಣೆ, ಶುಭಾಶೀರ್ವಾದದ ತರುವಾಯ, ಶ್ರೀ ಕ್ಷೇತ್ರ ಶ್ರವಣಬೆಳಗೊಳದ ಕರ್ಮಯೋಗಿ, ಸ್ವಸ್ತಿಶ್ರೀ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿ ಮತ್ತು ಆದಿಚುಂಚನಗಿರಿ ಮಹಾ ಸಂಸ್ಥಾನ ಮಠದ ಪರಮಪೂಜ್ಯ ಶ್ರೀ ಡಾ.ನಿರ್ಮಲಾನಂದನಾಥ ಮಹಾಸ್ವಾಮೀಜಿ ಅವರ ಮಾರ್ಗದರ್ಶನದಲ್ಲಿ ಇಂದಿಗೂ ಮಕ್ಕಳ ಸಾಹಿತ್ಯ ಸಮ್ಮೇಳನವನ್ನು ಅಚ್ಚುಕಟ್ಟಾಗಿ ಮುಂದುವರಿಸಿಕೊಂಡು ಹೋಗಲಾಗುತ್ತಿದೆ  ಎಂದಿದ್ದಾರೆ. 

ಡಾ. ಬಾಲಗಂಗಾಧರನಾಥ ಸ್ವಾಮೀಜಿ ಅವರು, 1988 ರಲ್ಲಿ ಆದಿಚುಂಚನಗಿರಿ ಶ್ರೀ ಕ್ಷೇತ್ರದಲ್ಲಿ ನಡೆದ 3 ನೇ ರಾಜ್ಯ ಮಟ್ಟದ ಮಕ್ಕಳ ಸಾಹಿತ್ಯ ಸಮ್ಮೇಳನಕ್ಕೆ ಎಲ್ಲಾ ರೀತಿಯ ಕೃಪಾಶೀರ್ವಾದ ನೀಡಿದ್ದರು. ಒಟ್ಟು ಮೂರು ದಿನಗಳ ಕಾಲ ನಡೆದಿದ್ದ ಅಂದಿನ ಸಮ್ಮೇಳನಕ್ಕೆ ಆಗಿನ ಮುಖ್ಯಮಂತ್ರಿಗಳು ಹಾಗೂ ಹಲವು ಸಚಿವರು ಹಾಜರಾಗಿ ಪ್ರೋತ್ಸಾಹ ನೀಡಿದ್ದರು ಎಂದು ಹಿಂದಿನ ಮಕ್ಕಳ ಸಮ್ಮೇಳನಗಳು ಘಟಿಸಿದ ಬಗೆಯನ್ನು ನೆನೆದಿದ್ದಾರೆ. 

ಹಿರಿಯರ ಆಶಯಕ್ಕೆ ಧಕ್ಕೆಯಾಗದ ರೀತಿಯಲ್ಲಿ ಮಕ್ಕಳ ಸಾಹಿತ್ಯೋತ್ಸವವ ರಥವನ್ನು ಹಿರಿಯರು ಹಾಕಿಕೊಟ್ಟ ಹಾದಿಯಲ್ಲೆ ಎಳೆಯಲಾಗುತ್ತಿದೆ ಎಂದರು. ಕರ್ನಾಟಕದ ಇತಿಹಾಸದಲ್ಲೇ ಹಾಗೂ ದೇಶದಲ್ಲೇ ಮೊದಲ ಬಾರಿಗೆ ಪ್ರಥಮ ಅಖಿಲ ಭಾರತ ಸಾಹಿತ್ಯ ಸಮ್ಮೇಳನವನ್ನು ಹಲವು ವಿಶೇಷಗಳ ಹಾಸನದ ಜಿಲ್ಲಾ ಕ್ರೀಡಾಂಗಣದಲ್ಲಿ ಇದೇ ತಿಂಗಳ ನವೆಂಬರ್ 29, 30 ರಂದು ಆಯೋಜಿಸಲಾಗಿದೆ ಎಂದು ತಿಳಿಸಿದ್ದಾರೆ. 

ಈಗಾಗಲೇ ಸಮ್ಮೇಳಾಧ್ಯಕ್ಷರು, ಸಹ ಅಧ್ಯಕ್ಷರು ಹಾಗೂ ವಿವಿಧ ಗೋಷ್ಠಿಗಳ ಅಧ್ಯಕ್ಷರನ್ನು ಆಯ್ಕೆ ಮಾಡಲಾಗಿದ್ದು, ಪೂರ್ವ ಸಿದ್ಧತಾ ಕಾರ್ಯವೂ ಭರದಿಂದ ಸಾಗಿದೆ. ಮಕ್ಕಳಲ್ಲಿ ವಿಶ್ವ ಮಾನವತ್ವದ ಸಂದೇಶ ಬಿತ್ತುವ ಸದುದ್ದೇಶದೊಂದಿಗೆ ನಡೆಯುವ ಮಕ್ಕಳ ಕನ್ನಡಮ್ಮನ ಜಾತ್ರೆಯ ಜಾಗೃತಿ ರಥಯಾತ್ರೆಗೆ ನ.23 ರಂದು ಪರಮಪೂಜ್ಯ ಜಗದ್ಗುರು ಶ್ರೀ  ಶ್ರೀ ಶ್ರೀ  ಡಾ.ನಿರ್ಮಲಾನಂದ ಮಹಾಸ್ವಾಮೀಜಿ ದಿವ್ಯ ಸಾನ್ನಿಧ್ಯದಲ್ಲಿ ಬೆಂಗಳೂರಿನಲ್ಲಿ ಚಾಲನೆ ನೀಡಲಾಗಿದೆ ಎಂದು ತಿಳಿಸಿದ್ದಾರೆ. 

ಕರ್ನಾಟಕ ರಾಜ್ಯ ಮಕ್ಕಳ ಸಾಹಿತ್ಯ ಪರಿಷತ್ತು ಹಾಗೂ ಶ್ರೀ ಆದಿಚುಂಚನಗಿರಿ ಮಹಾ ಸಂಸ್ಥಾನ ಮಠದ ಸಂಯುಕ್ತಾಶ್ರಯದಲ್ಲಿ ನಡೆಯುತ್ತಿರುವ ಅಖಿಲ ಭಾರತ ಮಕ್ಕಳ ಸಾಹಿತ್ಯ ಸಮ್ಮೇಳನದ ಮೂಲ ಉದ್ದೇಶ ಭವಿಷ್ಯ ಆಸ್ತಿಯಾಗಿರುವ ಮಕ್ಕಳಲ್ಲಿ ಕನ್ನಡ ಪ್ರೀತಿಯ ಜೊತೆ ಜೊತೆಗೆ ಸಾಮಾಜಿಕ ಸಾಮರಸ್ಯ, ಸಹಬಾಳ್ವೆ, ಸತ್ಪಥದಲ್ಲಿ ಮುನ್ನಡೆಯುವಂತೆ ಪ್ರೇರೇಪಿಸುವುದಾಗಿದೆ. ಇದಕ್ಕೆ ನಾಡಿನ ಎಲ್ಲಾ ವರ್ಗಗಳ ಜನರು ಸಹಕಾರ ನೀಡುವ ಮೂಲಕ ಶ್ರೀ ಮಠದ, ಗುರು ಹಿರಿಯರ ಸದಾಶಯ ಸಾಕಾರಕ್ಕೆ ಕೈ ಜೋಡಿಸುವಂತೆ ಸ್ವಾಮೀಜಿ ಮನವಿ ಮಾಡಿದರು. 

ಬೆಂಗಳೂರಿನಲ್ಲಿ ಅಖಿಲ ಭಾರತ ಮಕ್ಕಳ ಸಾಹಿತ್ಯ ಸಮ್ಮೇಳನ ಜಾಗೃತಿ ರಥಯಾತ್ರೆಗೆ ಶನಿವಾರ ಚಾಲನೆ ನೀಡುವ ಸಂದರ್ಭದಲ್ಲಿ ಮಾಜಿ ಸಿಎಂ ಎಚ್.ಡಿ.ಕುಮಾರಸ್ವಾಮಿ, ರಾಜ್ಯ ಮಕ್ಕಳ ಸಾಹಿತ್ಯ ಪರಿಷತ್ ರಾಜ್ಯಾಧ್ಯಕ್ಷ ಚ.ನಂ. ಅಶೋಕ್, ಮೊದಲಾದವರಿದ್ದರು.

Kondinews, Bangalore

ಹಾಸನ: ಒಂದು ಫಿಚ್ಚರ್ ತೆರೆಕಂಡರೆ ನಿರ್ಮಾಪಕರು ಮರುದಿನದ ಗಲ್ಲಪೆಟ್ಟಿಗೆ ಎಷ್ಟಾಯ್ತು ಎಂಬುದನ್ನ ಲೆಕ್ಕಾ ಹಾಕ್ತಾರೆ. ಆದ್ರೆ ಈ ಚಿತ್ರದ ನಿರ್ಮಾಪಕರು ಮತ್ತು ಚಿತ್ರತಂಡ ಸಾಮಾಜಿಕ ಕಳಕಳಿಯನ್ನಿಟ್ಟುಕೊಂಡು ಚಿತ್ರ ಬಿಡುಗಡೆಗೆ ಸಿದ್ದವಾಕ್ತಿದ್ದಾರೆ. ಇವತ್ತು ಹಾಸನದಲ್ಲಿ ಚಿತ್ರದ ಟ್ರೇಲರ್ ಬಿಡುಗಡೆ ಮಾಡುವ ಮೂಲಕ ಸಮಾಜಿಕ ಕಳಕಳಿಯನ್ನ ಮೆರೆದ್ರು. ಆ ಚಿತ್ರವಾದ್ರು ಯವ್ದು...? ಆ ಚಿತ್ರತಂಡ ಮಾಡಿದ ಸಾಮಾಜಿಕ ಕೆಲಸವಾದ್ರು ಏನು..? ಅಂತೀರಾ..ಈ ಸ್ಟೋರಿ ನೋಡಿ...

ಈಗಾಲೇ "10th ಕ್ಲಾಸ್", "ಪಿಯುಸಿ" (ಪ್ಲೀಸ್ ಯೂ ಸಿ),ಎಂಬ ಚಿತ್ರಗಳು ಪಡ್ಡೆಹುಡುಗ್ರ ನಿದ್ದೆಗೆಡಿಸಿದ್ದ ಸಿನಿಮಾಗಳ ಜೊತೆಗೆ ಅದೇ ರೀತಿ ಇಲ್ಲೊಂದು ಹೊಸಬರ ತಂಡ "3rd ಕ್ಲಾಸ್" ಎಂಬ ವಿಚಿತ್ರ ಶೀರ್ಷಿಕೆ ಇಟ್ಟುಕೊಂಡು ಸಿನಿಮಾ ನಿರ್ಮಾಣ ಮಾಡಿದ್ದು, ಸದ್ಯ ಇಂದು ಹಾಸನದಲ್ಲಿ ಚಿತ್ರದ ಆಡಿಯೋ ಮತ್ತು ಟ್ರೇಲರ್ ಲಾಂಚ್ ಮಾಡಿದ್ರು. ಲಾಂಚ ಮಾಡುವ ವೇಳೆ ಹಾಸನ ನಗರದ ಆಟೋ ಚಾಲಕರಿಗೆ 1 ಲಕ್ಷದ ವಿಮೆ ಮತ್ತು ಮೊದಲ ದಿನದ ಗಲ್ಲಪೆಟ್ಟಿಗೆಯ ಲಾಭವನ್ನ ನಗರದ ಅಂಧಮಕ್ಕಳ ಶಾಲೆಗೆ ಹಾಗೂ ನವಜಾತ ಮಕ್ಕಳ ಪೋಷಣಾ ಕೇಂದ್ರವಾದ ಮಮತೆಯ ಮಡಿಲು ಸಂಸ್ಥೆಗೆ ಕೊಡುವುದಾಗಿ ಘೋಷಣೆ ಮಾಡುವ ಮೂಲಕ ಸಾಮಾಜಿಕ ಕಳಕಳಿ ಮೆರೆದ್ರು.

ಇನ್ನು ಈ ಚಿತ್ರದಲ್ಲಿ ಕಾರ್ ಗ್ಯಾರೇಜ್ ಮಾಲೀಕನೋರ್ವ ಪ್ರೀತಿಯಿಂದ ನಾಯಕ ಮತ್ತು ಅವನ ಮೂವರು ಸ್ನೇಹಿತರನ್ನು ಸಾಕಿರುತ್ತಾನೆ. ಗ್ಯಾರೇಜ್ನಲ್ಲಿ ವರ್ಕ್ ಮಾಡುವ ನಾಯಕ ಹಾಗು ಹೋಮ್ ಮಿನಿಸ್ಟರ್ ಮಗಳ ನಡುವಿನ ಪ್ರೇಮ ಕಥೆ. ನಾಯಕಿ ಗ್ಯಾರೇಜ್ ಹುಡುಗನ ಬಾಳಲ್ಲಿ ಪ್ರವೇಶಿಸಿದ ಬಳಿಕ ಮೂರು ಸಂಸಾರಗಳ ನಡುವೆ, ಮೂರು ವರ್ಗಗಳ ನಡುವೆ ನಡೆಯುವ ಒಂದು ತ್ರಿಕೋನ ಪ್ರೇಮಕಥೆಯೇ 3rd ಕ್ಲಾಸ್ ಚಿತ್ರದ ಕಥಾ ಹಂದರ. ಇನ್ನು ಹೆಸರು 3rd ಕ್ಲಾಸ್ ಆಗಿದ್ರು ಸಿನಿಮಾ ಮಾತ್ರ ಫಸ್ಟ್ ಕ್ಲಾಸ್ ಆಗಿದೆ ಎನ್ನುತ್ತಾರೆ ರೂಪಿಕಾ.

ನಾವು ಆಟೋ ಚಾಲಕರಾಗಿದ್ದು, ಸರ್ಕಾರ ನಮಗೆ ಪ್ರತಿ ಬಜೆಟ್ ನಲ್ಲಿ ನಮ್ಮನ್ನ ಕಡೆಗಣಿಸುತ್ತಲೇ ಬಂದಿದೆ. ಹೊಸ ಹೊಸ ಚಿತ್ರಗಳು ಬಂದ್ರೆ ಸಾಕು ಆಟೋಗಳ ಹಿಂದೆ ಮುಂದೆ ಚಿತ್ರನಟ-ನಟಿಯರ ಪೋಟೋಗಳು, ಅವರ ಡೈಲಾಗ್ ಗಳು ರಾರಾಜಿಸುತ್ತಿರುತ್ತವೆ. ಆದ್ರೆ ನಮಗೆ ಈ ರೀತಿಯ ಜೀವವಿಮೆಯನ್ನ ಯಾರು ಮಾಡಿಸಿಕೊಟ್ಟಿರಲಿಲ್ಲ. ನಮ್ಮ ಬಾಳಿಗೆ ಬೆಳಕಾಗುತ್ತಿರೋ ಇವರ ಭವಿಷ್ಯ ಉಜ್ವಲವಾಗಲಿ. ಚಿತ್ರವೂ ಕೂಡಾ ನೂರುದಿನ ಪೂರೈಸಲಿ ಎನ್ನುತ್ತಾರೆ ಆಟೋ ಸಂಘದ ಅಧ್ಯಕ್ಷ.

ಇನ್ನು ಯುವ ನಿರ್ದೇಶಕ ಅಶೋಕ್ದೇವ್ ಚಿತ್ರವನ್ನು ನಿರ್ದೇಶಿಸಿದ್ದು, ಕಾಮಿಡಿ ಮೂಲಕ ಕಿರುತೆರೆಯಲ್ಲಿ ಪ್ರೇಕ್ಷಕರ ಮನಗೆದ್ದಿದ್ದ ಕ್ಯೂಟ್ ಆ್ಯಂಡ್ ಹಾಟ್ ಸುಂದರಿ ರೂಪಿಕಾ ಚಿತ್ರದ ನಾಯಕಿ. ಮೊದಲ ಬಾರಿಗೆ ನಾಯಕನಟನಾಗಿ ನಮ್ ಜಗದೀಶ್ ಬಣ್ಣ ಹಚ್ಚಿದ್ದು, ಪಕ್ಕಾ ಕಮರ್ಷಿಯಲ್ ಪ್ಯಾಮಿಲಿ ಮೂವಿಯಾಗಿದೆಯಂತೆ. ಶಾಮ್ರಾಜ್ ಅವರ ಛಾಯಾಗ್ರಹಣವಿದ್ದು, ಶ್ರೀಕಾಂತ್ ಸಂಕಲನ ಕಾರ್ಯನಿರ್ವಹಿಸಿದ್ದಾರೆ. ಚಿತ್ರದ ಹಾಡುಗಳಿಗೆ ಜೆಸ್ಸಿಗಿಫ್ಟ್ ಸಂಗೀತ ಸಂಯೋಜಿಸಿದ್ದಾರೆ.

Kondinews, Hassan.

Page 1 of 16

Media News

  • Latest
  • Most popular
  • Trending
  • Most commented
Post by Kondi News
- Jan 13, 2020
ಹಾಸನ: ಸುರಕ್ಷಿತ ವಾಹನ ಚಾಲನೆ ಬಗ್ಗೆ ಸಾರ್ವಜನಿಕರಲ್ಲಿ ...
Post by Kondi News
- Aug 20, 2019
ಹಾಸನ: ಗಂಡನ ಕಿರುಕುಳಕ್ಕೆ ಬೇಸತ್ತು ಹೆಂಡತಿ ಆತ್ಮಹತ್ಯೆ ...
Post by Kondi News
- Nov 05, 2019
ಹಾಸನ: ಮನೆ ಕಟ್ಟುವ ವಿಚಾರಕ್ಕೆ ಅಣ್ಣ ನೀಡುತ್ತಿದ್ದ ...
Has no content to show!

About

Newsletter

Subscribe with us your email
Top