ಗೃಹ ಪ್ರವೇಶದ ಊಟ ಮಾಡಿ 50ಕ್ಕೂ ...
ಹಾಸನ:ಹಾಸನದಲ್ಲಿ  ಸಕಲೇಶಪುರ ...
ತುಮಕೂರು:ನಗರದ ಕುಣಿಗಲ್ ...
ಹಾಸನ: ಜೆಡಿಎಸ್ ನವರಿಗೆ ರಾಜಕೀಯ
ಹಾಸನ:ಚನ್ನರಾಯಪಟ್ಟಣ ತಾಲೂಕು ...
ಹಾಸನ:ನಮ್ಮ ಮಕ್ಕಳು ಓದಿ ...
ಹಾಸನ:ಅ.27ರಂದು ಅಮೃತ್ ಮಹಲ್ ರಾಸು
ಇವರ್ಯಾರು ಇವರಿಗೆ ಹೆತ್ತವರಲ್ಲ.
ಆಹಾರ ಅರಸಿ ಅವುಗಳು ಅಲ್ಲಿಗೆ ...
ಹೆಣ್ಣು-ಹೊನ್ನು-ಮಣ್ಣು ಪುರುಷನನ್ನ
ಹಾಸನ:ಸಾರ್ವಜನಿಕರ ದೂರಿನ ...
ಹಾಸನ: ಹಣ, ಚಿನ್ನ ಎಲ್ಲವನ್ನ ...
ಹಾಸನ:ಕನ್ನಡಿಗರಿಗೆ ಉದ್ಯೋಗವನ್ನು
ಹಾಸನ: ಹಾಸನದಲ್ಲಿ ಮಾಜಿ ಸಚಿವ ಎ
ಹಾಸನ: ಮನೆ ಕಟ್ಟುವ ವಿಚಾರಕ್ಕೆ ...
ಹಾಸನ: ಕುಡಿದ ಅಮಲಿನಲ್ಲಿ ತಂದೆಯೇ
ಹಾಸನ:ಸರ್ಕಾರ ರಚನೆಯಾಗಿ ನೂರುದಿನದ
ಹಾಸನ:ಹೇಮಾವತಿ ಕಾಲುವೆಯಲ್ಲಿ ...
Rate this item
(0 votes)

ಗೃಹ ಪ್ರವೇಶದ ಊಟ ಮಾಡಿ 50ಕ್ಕೂ ಹೆಚ್ಚು ಜನರು ಅಸ್ವಸ್ಥಗೊಂಡಿರುವ ಘಟನೆ ಹಾಸನದಲ್ಲಿ ನಡೆದಿದೆ.

ಹಾಸನದ ಹೊರವಲಯದ ಗುಡ್ಡೇನಹಳ್ಳಿ ಗ್ರಾಮದ ದೇವರಾಜು ಎಂಬುವವರ ಮನೆಯ ಗೃಹಪ್ರವೇಶವಿದ್ದು, ಕಾರ್ಯಕ್ರಮದಲ್ಲಿ ಮಧ್ಯಾಹ್ನ ಊಟ ಮಾಡಿದ ಕೆಲವೇ ಗಂಟೆಗಳಲ್ಲಿ 50ಕ್ಕೂ ಹೆಚ್ಚು ಮಂದಿಹೆ ಅನಾರೋಗ್ಯ ಉಂಟಾಗಿದೆ.

ಅಸ್ವಸ್ಥರು ಹಾಸನದ ವೈದ್ಯಕೀಯ ಬೋಧಕ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಸದ್ಯ ಆರೋಗ್ಯ ಅಧಿಕಾರಿಗಳು, ಕಾರ್ಯಕ್ರಮಕ್ಕೆ ಮಾಡಿದ ಅಹಾರ ಮಾದರಿಯನ್ನು ಪಡೆದು ಪರಿಶೀಲನೆಗೆ ಮುಂದಾಗಿದ್ದಾರೆ.

ಇನ್ನು ಈ ಸಂಬಂಧ ಪೆನ್ಷನ್ ಮೊಹಲ್ಲಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರೆಸಿದ್ದಾರೆ.

Rate this item
(0 votes)

ಹಾಸನ:ಹಾಸನದಲ್ಲಿ  ಸಕಲೇಶಪುರ ಜೆಡಿಎಸ್ ಶಾಸಕ ಹೆಚ್. ಕೆ ಕುಮಾರಸ್ವಾಮಿ ಸುದ್ದಿಗೋಷ್ಠಿ.

2018ರಲ್ಲಿ ಸರ್ಕಾರ ರಚಿಸಲು ಕಾಂಗ್ರೆಸ್ ನವರೇ ಜೆಡಿಎಸ್ ಜೊತೆಗೆ ಬಂದಿದ್ದೆ ಹೊರತು ನಾವಾಗಿಯೇ
ಆವರ ಜೊತೆ ಸರ್ಕಾರ ರಚನೆ ಮಾಡಲು ಹೋಗಿರಲಿಲ್ಲ ಎಂದು ಸಕಲೇಶಪುರದ ಜೆಡಿಎಸ್ ಶಾಸಕ ಹೆಚ್. ಕೆ ಕುಮಾರಸ್ವಾಮಿ ಕಾಂಗ್ರೆಸ್ ವಿರುದ್ಧ ಕಿಡಿಕಾರಿದರು.

ನಮ್ಮದು ಜಾತ್ಯತೀತ ನಿಲುವಿನ ಪಕ್ಷ ಆಗಿದ್ದಕ್ಕೆ ಅವರು ನಮ್ಮೊಡನೆ ಸರ್ಕಾರ ರಚಿಸಿದ್ದು.
ಆದರೆ ಈಗ ನಮ್ಮ ಪಕ್ಷವನ್ನು ಕೋಮುವಾದಿ ಪಕ್ಷ ಎಂದು ದೂರುವ ಅವರು ಹೇಗೆ ರಾಜಕೀಯ ಸಿದ್ಧಾಂತಗಳನ್ನು ಹೊಂದಿದ್ದಾರೆ ಎಂದು ಜೆಡಿಎಸ್ ಕೋಮುವಾದಿ ಪಕ್ಷ ಎಂಬ ಹೆಚ್. ಸಿ ಮಹಾದೇವಪ್ಪ ಅವರ ಹೇಳಿಕೆಗೆ ತಿರುಗೇಟು ನೀಡಿದರು.

ಬಿಜೆಪಿ ನಾಯಕರು ರಾಜಕೀಯ ಲಾಭಕ್ಕಾಗಿ ಜೆಡಿಎಸ್ ಯಾರೊಂದಿಗಾದರೂ ಮೈತ್ರಿ ಮಾಡಿಕೊಡುತ್ತಾರೆ ಎಂಬ ಆರೊಪಕ್ಕೆ ತಿರುಗೇಟು ನೀಡಿದ ಅವರು ,2006- 2007ರಲ್ಲಿ ಕೂಡ ನಾವಾಗಿಯೆ ಬಿಜೆಪಿ ಅವರ ಜೊತೆ ಹೋಗಿ ಸರ್ಕಾರ ರಚನೆ ಮಾಡಿರಲಿಲ್ಲ,ಅವರಾಗಿ ಬಂದಿದ್ದಕ್ಕೆ ನಾವು ಅವರ ಜೊತೆ ಕೈ ಜೋಡಿಸಿದ್ದು ಎಂದರು.

ಇನ್ನು ಜೆಡಿಎಸ್ ನಿಂದ ಹಲವಾರು ಶಾಸಕರು ಪಕ್ಷ ಬಿಡುತ್ತಾರೆ ಎಂಬ ಪ್ರಶ್ನೆಗೆ ಉತ್ತರಿಸಿದ ಅವರು, ಅಸಮಧಾನಿತ ಶಾಸಕರು ಎಲ್ಲಾ ಪಕ್ಷಗಳಲ್ಲೂ ಕೂಡ ಇದ್ದಾರೆ ಹಾಗೆಯೇ ನಮ್ಮ ಪಕ್ಷದಲ್ಲಿ ಕೂಡ ಇದ್ದಾರೆ. ಹಾಗೆಯೇ ಕಾಂಗ್ರೆಸ್ ಪಕ್ಷದಲ್ಲಿ ಕೂಡ ಇದ್ದಾರೆ . ಬೇಕಿದ್ದರೆ ಅವರು ಎಲ್ಲಾ ಶಾಸಕರನ್ನು ಪ್ರತ್ಯೇಕವಾಗಿ ಕರೆದು ಮಾತನಾಡಿಸಿದರೆ ಆಗ ಅವರಿಗೆ ಸತ್ಯ ತಿಳಿಯುತ್ತದೆ ಎಂದರು
ನಮ್ಮ ಪಕ್ಷದ ಅತೃಪ್ತ ಶಾಸಕರ ಜೊತೆ ಮಾತುಕತೆ ನಡೆಸಿ ಅವರನ್ನು ಮನವೊಲಿಸುವ ಪ್ರಯತ್ನ ಮಾಡುತ್ತೇವೆ ಎಂದರು.

Rate this item
(0 votes)

ತುಮಕೂರು:ನಗರದ ಕುಣಿಗಲ್ ರಸ್ತೆಯಲ್ಲಿ ಪುಂಡ ಯುವಕರು ಬೈಕ್ ವೀಲಿಂಗ್ ಮಾಡುತ್ತಿದ್ದು ಇದನ್ನು ನೋಡಿದ ಸಾರ್ವಜನಿಕರು ಬೆಚ್ಚಿ ಬಿದ್ದಿದ್ದಾರೆ.

ಇದರಿಂದ ಸಹ ಪ್ರಯಾಣಿಕರಿಗೂ ಕಿರಿಕಿರಿ ಉಂಟುಮಾಡಿದ್ದು. ಬೈಕ್ ಮೇಲೆ ನಿಂತು ಕೇಕೆ ಹಾಕಿ ರಸ್ತೆಯಲ್ಲಿ ಓಡಾಡುವವರು ತೊಂದರೆ ಅನುಭವಿಸಿದರು. ಈ ಪುಂಡ ಹುಡುಗರು ಇತರೆ ವಾಹನಗಳಿಗೆ ದಾರಿ ಬಿಡಿದೆ ಹುಂಬತನ ಪ್ರದರ್ಶಿಸಿದರು.

ತ್ರಿಬಲ್ ರೈಡ್ ಮಾಡಿದ ಯುವಕರ ವಿಡಿಯೋ ವೈರಲ್ ಆಗಿದ್ದು, ಈ ಯುವಜರ ಮೇಲೆ ಕ್ರಮ ಕೈಗೊಳ್ಳಲು ಸಾರ್ವಜನಿಕರು ಆಗ್ರಹಿಸಿದ್ದಾರೆ.

Rate this item
(0 votes)

ಹಾಸನ: ಜೆಡಿಎಸ್ ನವರಿಗೆ ರಾಜಕೀಯ ಸಿದ್ಧಾಂತವೇ ಇಲ್ಲ. ಯಾವ ಪಕ್ಷ ಅಧಿಕಾರಕ್ಕೆ ಬರುತ್ತೆ ಅವರ ಪಕ್ಷದ ಅವರ ಜೊತೆ ಹೊಂದಾಣಿಕೆ ಮಾಡಿಕೊಂಡು ಹೋಗೋದೆ ಅವರ ಕೆಲಸ ಅಂತ ಜೆಡಿಎಸ್ ಪಕ್ಷವನ್ನು ಮಾಜಿ ಸಚಿವ ಹೆಚ್. ಸಿ ಮಹದೇವಪ್ಪ ಖಾರವಾಗಿಯೇ ಟೀಕಿಸಿದರು.

ಇನ್ನು ನಾವು ಮೊದಲು ಜೆಡಿಎಸ್ ಪಕ್ಷದಲ್ಲಿದ್ದಾಗ ನಮಗೆ ಕಾಂಗ್ರೆಸ್ ಮತ್ತು ಬಿಜೆಪಿ ಸಮಾನ ವೈರಿಗಳಾಗಿದ್ದರು. ಆದರೆ ಈಗ ಜೆಡಿಎಸ್ ನವ್ರು ಹಿಂದೆ ಕೋಮುವಾದಿ ಬಿಜೆಪಿ ಪಕ್ಷದ ಜೊತೆ ಸೇರಿ ಸರ್ಕಾರ ರಚನೆ ಮಾಡಿದ್ರು. ಬಳಿಕ 14 ತಿಂಗಳ ಕಾಲ ನಮ್ಮ ಪಕ್ಷದೊಂದಿಗೆ ಸರ್ಕಾರ ರಚನೆ ಮಾಡಿದ್ರು. ಯಾವ ಪಕ್ಷ ಅಧಿಕಾರದಲ್ಲಿರುವ ಪಕ್ಷಕ್ಕೆ ಜಾರಿಕೊಳ್ಳುವ ಸಮಯಸಾಧಕ ಪಕ್ಷ. ಅವರಿಗೆ ರಾಜಕೀಯದ ಸಿದ್ಧಾಂತದ ಸ್ಪಷ್ಟತೆಯಿಲ್ಲ. ಎಂಬುದನ್ನು ಇವರ ಕಾರ್ಯವೈಖರಿಯೇ ಎತ್ತಿ ತೋರಿಸುತ್ತದೆ ಎಂದ್ರು.

ಜೆಡಿಎಸ್ ನವರು ಯಾರನ್ನು ಕೋಮುವಾದಿ ಎಂದು ವಿರೋಧ ಮಾಡಿದ್ದರೋ ಅವರ ಜೊತೆಗೆ ಸೇರಿ ಸರ್ಕಾರ ರಚನೆ ಮಾಡುವುದು ಮತ್ತು ಚುನಾವಣೆ ಎದುರಿಸುವುದು ಸರಿಯಲ್ಲ. ಇದ್ರಿಂದ ನಮ್ಮ ಕಾರ್ಯಕರ್ತರ ನೈತಿಕ ಬಲವನ್ನು ಕುಗ್ಗಿಸುತ್ತದೆ ಎಂಬುದು ನಮ್ಮ ಕಾರ್ಯಕರ್ತರ ಅಭಿಪ್ರಾಯ ಎಂದ ಅವರು ಹಾಸನದಲ್ಲಿ ಕಾಂಗ್ರೆಸ್ ಪಕ್ಷ ಮತ್ತೆ ವಿಭಿನ್ನ ಕಾರ್ಯಕ್ರಮಗಳನ್ನು ರೂಪಿಸಿ ಕಾರ್ಯಕರ್ತರನ್ನು ಬಲಪಡಿಸುವ ನಿಟ್ಟಿನಲ್ಲಿ ಗೊಂದಲಗಳನ್ನು ಸರಿದೂಗಿಸಿಕೊಂಡು ಒಟ್ಟಾಗಿ ನಾವೆಲ್ಲರೂ ಪ್ರಯತ್ನ ಮಾಡುತ್ತೇವೆ ಅಂತ ಹೇಳಿದ್ರು.

ಇನ್ನು ಟಿಪ್ಪು ಜಯಂತಿ ಬಗ್ಗೆ ಮಾತನಾಡಿದ ಅವರು ಟಿಪ್ಪು ಒಬ್ಬ ಸ್ವಾತಂತ್ರ್ಯ ಸೇನಾನಿ. ಹಿಂದೂ ಧಾರ್ಮಿಕ ವಿಸ್ತರಣೆಗೆ ಅನೇಕ ಕೊಡುಗೆಗಳನ್ನು ನೀಡುದವರಲ್ಲಿ ಆತ ಕೂಡ ಒಬ್ಬ. ಶ್ರೀರಂಗಪಟ್ಟಣದ ಸುತ್ತಮುತ್ತ ನಿರ್ಮಾಣವಾಗಿರುವಂತಹ ಹಲವು ದೇವಾಲಯಗಳಿಗೆ ಸಾಕಷ್ಟು ಕೊಡುಗೆಗಳನ್ನು ನೀಡಿದ್ದಾನೆ. ಅಲ್ಲದೆ ರಂಗನಾಥಸ್ವಾಮಿ ದೇವಾಲಯ ಮತ್ತು ಅದರ ಪಕ್ಕದಲ್ಲಿರುವ ಮಸೀದಿ ಇವತ್ತು ಏನಾದರೂ ತಾಂತ್ರಿಕತೆಯಲ್ಲಿ ಅಭಿವೃದ್ಧಿಯಾಗಿದೆ ಎಂದರೆ ಅದಕ್ಕೆ ಕಾರಣ ಅಂತ ಮತ್ತೊಮ್ಮೆ ಪುನರುಚ್ಚಾರ ಮಾಡಿದರು.

Rate this item
(0 votes)

ಹಾಸನ:ಚನ್ನರಾಯಪಟ್ಟಣ ತಾಲೂಕು ಗೌಡಗೆರೆ ಗ್ರಾಮದ ಬಳಿ ಟಿವಿಎಸ್ ಹಾಗೂ ಡಿಸೈರ್ ಕಾರ್ ನಡುವೆ ಡಿಕ್ಕಿ, ಸ್ಥಳದಲ್ಲೇ ಮೃತಪಟ್ಟಿರುವ ಟಿವಿಎಸ್ ಸವಾರ, ಸ್ವಿಫ್ಟ್ ಡಿಸೈನ್ ಕಾರಿಗೆ ಇಂದಿನಿಂದ ಟಿವಿಎಸ್ ಡಿಕ್ಕಿ ಹೊಡೆದ ಪರಿಣಾಮ,ತಾಲೂಕಿನ ನುಗ್ಗೇಹಳ್ಳಿ ಹೋಬಳಿ ಬಡಕನಹಳ್ಳಿಗ್ರಾಮದ ನಿವಾಸಿ ಚಾಮ(50) ಮೃತ ವ್ಯಕ್ತಿ.
ರಾಷ್ಟ್ರೀಯ ಹೆದ್ದಾರಿ 75ರಲ್ಲಿ ಶುಕ್ರವಾರ ಸಂಜೆ ಘಟನೆ ನಡೆದಿದೆ. ಇನ್ನು ಈ ಘಟನೆಯಲ್ಲಿ ಕಾರ್ ಹಾಗೂ ಟಿವಿಎಸ್ ಎರಡೂ ಜಖಂ ಆಗಿವೆ.
ಇನ್ನು ಇದೇ ಸಂದರ್ಭದಲ್ಲಿ ಸ್ಥಳೀಯರು ಹಾಗೂ ಪೊಲೀಸರ ನಡುವೆ ಮಾತಿನ ಚಕಮಕಿ ಕೂಡ ನಡೆಯಿತು.

Rate this item
(0 votes)

ಹಾಸನ:ನಮ್ಮ ಮಕ್ಕಳು ಓದಿ ದೊಡ್ಡವರಾಗಲು ಅಂತ ಅಪ್ಪ-ಅಮ್ಮ ಕೂಲಿನಾಲಿ ಮಾಡಿ ಕಾಲೇಜಿಗೆ ಕಳಿಸುತ್ತಾರೆ ಆದರೆ ಕೆಲವು ಹುಡುಗರು ಹುಡುಗಿ ಹಿಂದೆ ಬಿದ್ದು ತಮ್ಮ ಭವಿಷ್ಯವನ್ನೇ ಹಾಳು ಮಾಡಿಕೊಳ್ಳುತ್ತಾರೆ.


ಇವತ್ತು ಹಾಸನದಲ್ಲಿ ಹುಡುಗಿಯೊಬ್ಬಳನ್ನು ಚುಡಾಯಿಸಿದ್ದಕ್ಕೆ, ಆಕೆಯ ಸ್ನೇಹಿತೆ ಇಬ್ಬರು ಹುಡುಗರಿಗೆ ಸ್ಥಳದಲ್ಲಿಯೇ ಸಕ್ಕತ್ ಗೂಸಾ ಕೊಟ್ಟು ಹುಡುಗೀರೆ ಸ್ಟ್ರಾಂಗು ಗುರು ಅನ್ನೋ ಮಾತನ್ನು ಸಾಬೀತುಪಡಿಸಿದ್ದಾಳೆ .

ಹೌದು ಇಷ್ಟಕ್ಕೂ ಇಂತಹದೊಂದು ಘಟನೆ ನಡೆದಿದ್ದು ಹಾಸನದ ಸಿಟಿ ಬಸ್ ನಿಲ್ದಾಣದಲ್ಲಿ. ಕಾಲೇಜು ಮುಗಿಸಿಕೊಂಡು ಊರಿಗೆ ತೆರಳಲು ಸಿಟಿ ಬಸ್ ಸ್ಟಾಂಡಿಗೆ ಬಂದು ಬಸ್ ಹತ್ತುವ ವೇಳೆ ಹುಡುಗನೋರ್ವ ತನ್ನ ಸ್ನೇಹಿತರನ್ನು ಚುಡಾಯಿಸಿದ ಎಂಬ ಕಾರಣಕ್ಕೆ ಆತನ ಕಾಲರ್ ಶರ್ಟ್ ಹಿಡಿದು ಆಧರಿಸಿದ ಟೀ ಶರ್ಟನ್ನು ಹರಿದು ಹಾಕಿ ಗೂಸಾ ಕೊಟ್ರೆ ಮತ್ತೊಬ್ಬನ ಕುತ್ತಿಗೆ ಪಟ್ಟಿ ಹಿಡಿದು ನಾಲ್ಕು ಬಾರಿ ಕೆನ್ನೆಗೆ ಬಾರಿಸುತ್ತಾಳೆ.

ಇನ್ನು ಈ ದೃಶ್ಯ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ಕತ್ತು ವೈರಲ್ ಆಗಿದ್ದು ಹಾಸನದ ಹುಡುಗೀರು ಫುಲ್ ಸ್ಟ್ರಾಂಗ್ ಗುರು. . ಅಂತ ಸಿಕ್ಕಾಪಟ್ಟೆ ಹುಡುಗಿಗೆ ಕಾಮೆಂಟ್ ಮಾಡಿದ್ದಾರೆ.

ಏನೇ ಆಗಲಿ ತಾವಾಯಿತು ತಮ್ಮ ಪಾಡಾಯಿತು ಎಂಬಂತಿರದೆ ಕೆಲ ಪುಂಡ ಹುಡುಗರು ಹುಡುಗೀರನ್ನ ಚುಡಾಯಿಸು ಮುಂದಾಗಿ ಇವತ್ತು ಸಖತ್ ಗೂಸಾ ತಿಂದಿದ್ದಾರೆ ಮುಂದೆ ಹುಡುಗಿಯರನ್ನು ಚುಡಾಯಿಸುವ ಮೊದಲು ಯೋಚಿಸುವಂತೆ ಮಾಡಿದ್ದಾರೆ.

ಇನ್ನು ಇಬ್ಬರು ಹುಡುಗರನ್ನು ಸದ್ಯ ಸ್ಥಳದಲ್ಲಿದ್ದ ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದಾರೆ.

Last modified on Friday, 08 November 2019 23:48
Rate this item
(0 votes)

ಹಾಸನ:ಅ.27ರಂದು ಅಮೃತ್ ಮಹಲ್ ರಾಸು ತಳಿ ಸಂವರ್ಧನ ಉಪ ಕೇಂದ್ರದಲ್ಲಿ ನೀರು, ಆಹಾರವಿಲ್ಲದೆ 230 ರಾಸುಗಳು ನಾಲ್ಕು ಅಡಿ ಕೆಸರಿನಲ್ಲಿ ನಿಂತು ನರಳುತ್ತಿದ್ದ ಬಗ್ಗೆ ಜಾನುವಾರುಗಳ ಮೂಕರೋಧನೆ ಎಂಬ ಸುದ್ದಿಯನ್ನ ವರದಿ ಹಿನ್ನೆಲೆ.
ಇವತ್ತು ಪಶುಸಂಗೋಪನಾ ಸಚಿವ ಪ್ರಭು ಚೌಹ್ಹಾನ್ ಬೆಳ್ಳಂಬೆಳಗ್ಗೆಯೇ ರಾಯಸಂದ್ರದಲ್ಲಿರುವ ಅಮೃತಮಹಲ್ ಜಾನುವಾರುಗಳ ಕೇಂದ್ರಕ್ಕೆ ಖುದ್ದು ಭೇಟಿ ನೀಡಿ ಅವ್ಯವಸ್ಥೆಗೆ ಕಾರಣವಾಗಿದ್ದ ಇಬ್ಬರು ಅಧಿಕಾರಿಗಳಾದ ಮಂಜುಳ ಮತ್ತು ಸೋಮಶೇಖರ್ ಎಂಬುವರನ್ನ ಅಮಾನತ್ತು ಮಾಡಿದರು.
ಪಶುಸಂಗೋಪನಾ ಇಲಾಖೆಯ ಹೆಚ್ಚುವರಿ ನಿರ್ಧೇಶಕ ಹಲಗಪ್ಪ, ಜಂಟಿ ನಿರ್ದೇಶಕರು, ಜಯಣ್ಣ, ಚಿಕ್ಕಮಗಳೂರು ಜಿಲ್ಲೆಯ ಅಜ್ಜಂಪುರ ಅಮೃತಮಹಲ್ ತಳಿ ಸಂವರ್ಧನಾ ಕೇಂದ್ರದ ಉಪನಿರ್ದೇಶಕ ರಮೇಶ್ ಕುಮಾರ್, ಸೇರಿದಂತೆ ಕೇಂದ್ರದ ನಿರೀಕ್ಷಕರಿಗೂ ನೋಟಿಸ್ ನೀಡಿ ತಪ್ಪು ಕಂಡುಬಂದಲ್ಲಿ ಅವರನ್ನ ಅಮಾನತ್ತು ಮಾಡುವುದಾಗಿ ತಿಳಿಸಿದ್ರು.
ಚನ್ನರಾಯಪಟ್ಟಣ ತಾಲೂಕಿನ ರಾಯಪುರ ಅಮೃತ್ ಮಹಲ್ ಕಾವಲ್ ಗೆ ಇಂದು ಭೇಟಿ ನೀಡಿದ ಪಶುಸಂಗೋಪನೆ ಸಚಿವ ಪ್ರಭು ಚೌವ್ಹಾಣ್ ಅಲ್ಲಿನ ಅವ್ಯವಸ್ಥೆಯನ್ನ ಕಂಡು ಗರಂ ಆಗಿದ್ರು.
ನಾನು ಮಾಧ್ಯಮಗಳಲ್ಲಿ ನೋಡಿ ನನಗೂ ತುಂಬಾ ಬೇಸರವಾಯ್ತು. ಹಸುಗಳೆಂದ್ರ ನನಗೆ ಗೋಮಾತೆಯಿದ್ದ ಹಾಗೇ. ಅವುಗಳನ್ನ ನಾವು ರಕ್ಷಿಸಬೇಕೋ ಹೊರತು ಅವುಗಳನ್ನ ಹಿಂಸಿಸಬಾರದು.
ಸರ್ಕಾರ ಅಮೃತಮಹಲ್ ಕಾವಲಿಗೆ ಕೋಟಿ ಕೋಟಿ ಹಣ ಬಿಡುಗಡೆಗೊಳಿಸಿದ್ರು, ಕೆಲವು ಅಧಿಕಾರಿಗಳ ನಿರ್ಲಕ್ಷ್ಯದಿಂದ ಮೂಕ ಪ್ರಾಣಿಗಳು 3-4ದಿನ ಮೂಕರೋಧನೆ ಅನುಭವಿಸಿವೆ. ಹಾಗಾಗಿ ಸದ್ಯ ಇಬ್ಬರನ್ನನಾನು ಅಮಾನತ್ತು ಮಾಡಿದ್ದು, ಮುಂದೆ ಬೆಂಗಳೂರಿಗೆ ಹೋಗಿ ಮತ್ತೊಮ್ಮೆ ಕೂಲಂಕುಶವಾಗಿ ವರದಿ ಪರಿಶೀಲಿಸಿ ಮತ್ಯಾರ್ಯಾರು ಅಧಿಕಾರಿಗಳು ಈ ಅವ್ಯವಸ್ಥೆಗೆ ಕಾರಣವಾಗಿದ್ದಾರೆ ಅವರಗೆ ನೋಟೀಸ್ ನೀಡಿ ಕ್ರಮಜರುಗಿಸುತ್ತೇನೆ ಎಂದ್ರು.
ಇನ್ನು ಇದೇ ವೇಳೆ ಮಾತನಾಡಿದ ಸಿ.ಎನ್.ಬಾಲಕೃಷ್ಣ, ರಾಯಸಂದ್ರ ಅಮೃತ ಮಹಲ್ ಕೇಂದ್ರದಲ್ಲಿ ಅಧಿಕಾರಿಗಳು ಮತ್ತು ಕೆಲವು ಸಿಬ್ಬಂದಿ ವರ್ಗದವರು ನಿರ್ವಹಣೆ ಮಾಡುವಲ್ಲಿ ನಿರ್ಲಕ್ಷ್ಯವಹಿಸಿದ್ದಾರೆ.
ಈ ಕೇಂದ್ರ ನಾಲ್ಕು ಕಾವಲಿಗೆ ಅನ್ವಯಿಸುತ್ತದೆ. ಡಿಸೆಂಬರ್ ನಲ್ಲಿ ಬರಬೇಕಾದ ಜಾನುವಾರುಗಳು ಮಳೆಯ ಹಿನ್ನಲೆಯಲ್ಲಿ ಬೇಗನೇ ಇಲ್ಲಿಗೆ ಸ್ಥಳಾಂತರಿಸಲಾಗಿತ್ತು. ಹಾಗಾಗಿ ಸರಿಯಾದ ನಿರ್ವಹಣೆ ಮಾಡದೇ ಮತ್ತು ಅಲ್ಲಿನ ಸಗಣಿಯನ್ನ ತೆಗೆಯದೇ ಇದ್ದುದ್ದರಿಂದ ಈ ರೀತಿಯಾಗಿದೆ
ಗುತ್ತಿಗೆ ಆಧಾರದ ಮೇಲೆ ಕಾರ್ಯನಿರ್ವಹಣೆ ಮಾಡುತ್ತಿರುವ ಸಿಬ್ಬಂದಿಗಳಿಗೆ ಬೆಂಗಳೂರಿನ ಏಜೆನ್ಸಿಯವರು ಸರಿಯಾದ ಸಂಬಳ ನೀಡದೇ ಇರುವುದರಿಂದ ಈ ಎಲ್ಲಾ ಅವ್ಯವಸ್ಥೆಗೆ ಕಾರಣವಾಗಿದ್ದು, ಮುಂದೆ ಈಗಾಗದಂತೆ ನಿಗಾ ವಹಿಸಬೇಕೆಂದು ಚಿಕ್ಕಮಗಳೂರು ಮತ್ತು ಹಾಸನ ಜಿಲ್ಲಾಧಿಕಾರಿಗಳ ಸಭೆಯನ್ನ ಕರೆದು ಅವರಿಗೆ ಸೂಚನೆ ನೀಡಲಾಗುವುದು ಎಂದ್ರು.

Rate this item
(0 votes)

ಇವರ್ಯಾರು ಇವರಿಗೆ ಹೆತ್ತವರಲ್ಲ. ಬಂಧು-ಬಾಂಧವರಲ್ಲ. ಆದ್ರೆ ಇವರಿಗೆ ಇಲ್ಲಿ ನೆರದಿದ್ದವರೇ ಇವರಿಗೆ ಹೆತ್ತವರಾಗಿದ್ರು. ಅಣ್ಣನ ಸ್ಥಾನದಲ್ಲಿ ನಿಂತು ಕೈಗಳಿಗೆ ಬಳೆ ತೊಡಿಸಿ, ತಲೆಗೆ ಹೂ ಮುಡಿಸಿ, ಸೆರಗಿಗಿ ಉಡಿ ತುಂಬಿ ನೂರ್ಕಾಲ ಮುತ್ತೈದೆಯಾಗಿ ಬಾಳಮ್ಮ ಎಂದು ಸಾವಿರಾರು ಮಂದಿ ಅರಸಿ, ಹಾರೈಸಿ, ಉಡಿತುಂಬಿ ಮನಸಾರ ಹಾರೈಸಿದ್ರು. ಅಷ್ಟಕ್ಕೂ ಏನ್ ಹೇಳೋದಿಕ್ಕೆ ಹೊರಟಿದ್ದೀರಾ ಎಂದ್ರಾ...ಈ ಸ್ಟೋರಿ ನೋಡಿ...

ಮಂಗಳ ಗೌರಿಗೆ ಮಂಗಳ ಸೀಮಂತ... ತಿಂಗಳು ತುಂಬ್ಯಾವೆ ಜೀವ ಜೀವಂತ.... 19ನೇ ಶತಮಾನದ ಹಾಡು ಬಹುತೇಕ ಇನ್ನು ಕಣ್ಣಿಗೆ ಕಟ್ಟಿದಂತಿದೆ. ಈ ಹಾಡ ಹೇಳುವ ಮೂಲಕ ಕೈಗಳಿಗೆ ಹಸಿರು ಗಾಜಿನ ಬಳೆ ತೊಡಿಸಿ, ತಲೆಗೆ ಹೂವು ಮುಡಿಸಿ, ಹಣೆಗೆ ಅರಿಶಿನ-ಕುಂಕುಮ ಇಟ್ಟು, ತಟ್ಟೆಯಲ್ಲಿ ಸೀರೆ, ಹಣ್ಣು, ಗಾಜಿನ ಬಳೆ, ಎಲೆ, ಅಡಿಕೆ ಇಟ್ಟು ಆಕೆಗೆ ಆರತಿ ಎತ್ತಿ, ಉಡಿ ತುಂಬಿಸುವಾಗ ಊರ ಮಹಿಳೆಯರು ಹಾಡ್ತಿದ್ರು. ಇವತ್ತು ಅಂತಹ ಉಡಿ ತುಂಬುವ ಶಾಸ್ತ್ರವನ್ನ ಸರ್ಕಾರಿ ಅಧಿಕಾರಿಗಳು ಮತ್ತು ಸ್ಥಳೀಯರು ಈ ಮಹಿಳೆಯರಿಗೆ ಮಾಡುವ ಮೂಲಕ ಮೆಚ್ಚುಗೆಗೆ ಪಾತ್ರವಾದ್ರು.

ಹೌದು ಇಂತಹದೊಂದು ಸಾಮೂಹಿಕ ಸೀಮಂತ ಕಾರ್ಯಕ್ರಮಕ್ಕೆ ಸಾಕ್ಷಿಯಾಗಿದ್ದು, ಹಾಸನ ಜಿಲ್ಲೆಯ ದಕ್ಷಿಣ ಜೈನಕಾಶಿ ಶ್ರವಣಬೆಳಗೊಳದ ನಾಗಯ್ಯನಕೊಪ್ಪಲು. ಗ್ರಾಮದ ವಾಸು ಎಂಬುವರ ಪರಿಶ್ರಮದಿಂದ ಗ್ರಾಮಪಂಚಾಯಿತಿ, ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ, ಆರೋಗ್ಯ ಇಲಾಖೆ, ಸ್ತ್ರೀ ಶಕ್ತಿ ಸಂಘ ಮುಂತಾದವರುಗಳ ನೆರವಿನ ಮೂಲಕ ತುಂಬು ಗಂರ್ಭಿಣಿಯರಿಗೆ ತವರು ಮನೆಯಂತೆಯೇ ಶಾಸ್ತ್ರೋಕ್ತವಾಗಿ ಉಡಿ ತುಂಬಿಸುವ ಮೂಲಕ ಸಾಮೂಹಿಕ ಸೀಮಂತ ಕಾರ್ಯಕ್ರಮ ಮಾಡಿದ್ರು.

ನಾಗಯ್ಯನಕೊಪ್ಪಲಿನ ಕುಂಬಾರ ಕಾಲೋನಿಯಲ್ಲಿ ಹಬ್ಬದ ವಾತಾವರಣವೇ ಸೃಷ್ಠಿಯಾಗಿತ್ತು. ತವರು ಮನೆಯವರು ಮಗಳಿಗೆ ಅಥವಾ ಗಂಡನ ಮನೆಯವರು ಸೊಸೆಗೆ ಮಾಡಬೇಕಾದ ಶಾಸ್ತ್ರವನ್ನ ಇಲಾಖೆಗಳ ಸಹಯೋಗದಲ್ಲಿ ಅಧಿಕಾರಿ ವರ್ಗದವರು ಮಾಡಿದ್ದು ವಿಶೇಷ. ಈ ಸಾಮೂಹಿಕ ಸೀಮಂತ ಕಾರ್ಯಕ್ರಮದಲ್ಲಿ ಸುಮಾರು 11 ಮಂದಿ ಗರ್ಭಿಣಿ ಮಹಿಳೆಯರಿಗೆ ವಿವಿಧ ಕ್ಷೇತ್ರದ ಮಹಿಳಾ ಸದಸ್ಯರುಗಳು ಉಡಿ ತುಂಬಿ ಅರಸಿ ಹಾರೈಸಿದ್ರು. ಅದ್ರಲ್ಲಿ ಆರೋಗ್ಯ ಇಲಾಖೆಯ ಇಬ್ಬರಿಗೆ ಉಡಿ ತುಂಬಿದ್ದು ವಿಶೇಷವಾಗಿದ್ರೆ, ಅದ್ರಲ್ಲೂ ಜೋಪಡಿಯಲ್ಲಿ ವಾಸವಾಗಿದ್ದ ಮಹಿಳೆಯೊಬ್ಬಳಿಗೆ ಸೀಮಂತ ಮಾಡಿದ್ದು, ವಿಶೇಷತೆಗಳಲ್ಲಿ ವಿಶೇಷ ಎಂದ್ರೆ ತಪ್ಪಾಗಲ್ಲ. ತಾಯ್ತನ ಏನೆಂಬುದು ಮಹಿಳೆಯರಿಗೆ ಮಾತ್ರವೇ ತಿಳಿದಿರುತ್ತೆ. ಬಸರಿ ಬಯಕೆಯಲ್ಲಿ ಸೀಮಂತ ಕಾರ್ಯವೂ ಕೂಡಾ ಒಂದು ಎನ್ನುವುದು ಇವರ ಮಾತು.

ಮಾನವ ಜನ್ಮ ದೊಡ್ಡದು. ಅದನ್ನು ಕಡೆಗಣಿಸಬೇಡಿರೋ ಹುಚ್ಚಪ್ಪಗಳಿರಾ ಎಂಬ ಪುರಂದರದಾಸರ ಮಾತನ್ನ ಇಲ್ಲಿ ನೆನೆಪಿಸಿಕೊಳ್ಳಲೇ ಬೇಕು. ಹುಟ್ಟು-ಸಾವಿನ ನಡುವೆ ಮಾನವ ಕೆಲವು ಸಂಸ್ಕಾರಗಳನ್ನು ಮಾಡಬೇಕು ಎಂದು ಧರ್ಮಶಾಸ್ತ್ರ ಹೇಳುತ್ತೆ. ಎಲ್ಲಾ ಸಂಸ್ಕಾರಗಳನ್ನು ಮಾಡಲು ಸಾಧ್ಯವಾಗದಿದ್ರು, ನಾಮಕರಣ, ಉಪನಯನ ಮತ್ತು ಸೀಮಂತ ಮೂರನ್ನಾದ್ರು ಮಾಡಲೇಬೇಕಂತೆ. ಆದ್ರೆ ಅಂತಹ ಕೆಲವು ಶಾಸ್ತ್ರಗಳನ್ನ ಮಾಡಲು ಕೆಲವರಿಗೆ ಸಾಧ್ಯವಾಗುವುದಿಲ್ಲ. ಅದನ್ನ ಅರಿತ ನಾನು ನಮ್ಮ ನಾಗಯ್ಯನಕೊಪ್ಪಲಿನಲ್ಲಿ ಮಾಡಬೇಕೆಂದು ಹಿರಿಯ ಮಹಿಳೆಯೊಬ್ಬರ ಮಾತಿನಂತೆ ಇಂದು ಇವರುಗಳ ಸಹಕಾರದಿಂದ 11 ಮಂದಿಗೆ ಸೀಮಂತ ಕಾರ್ಯ ಮಾಡಿದ್ದೇವೆ. ಇಂತಹ ಒಂದು ಕಾರ್ಯಕ್ಕೆ ಈಟಿವಿ ವಾಹಿನಿ ಸಹಕಾರ ನೀಡಿದ್ದು ನಮಗೆ ಹೆಮ್ಮೆ ವಿಷಯ ಎನ್ನುತ್ತಾರೆ ಆಯೋಜಕರು.

ತನ್ನ ಚೊಚ್ಚಲ ಕರುಳ ಕುಡಿಯನ್ನು ಗರ್ಭದಲ್ಲಿ ಹೊತ್ತ ಒಂದು ಹೆಣ್ಣು ಅದರ ಆಗಮನದ ನಿರೀಕ್ಷೆಯಲ್ಲಿ ಪುಳಕಿತವಾದಾಗ ನಡೆಯುವ ಕಾರ್ಯಕ್ರಮವೇ ಸೀಮಂತ ಶಾಸ್ತ್ರ. ನಾವು ನಮ್ಮ ಇಲಾಖೆಯಿಂದ ನಡೆಯುತ್ತಿರುವ ಕಾರ್ಯಕ್ರಮವೆಂದು ಬಂದೆವು. ನಮಗೂ ಸೀಮಂತ ನಡೆಯುತ್ತೆ ಎಂದು ನಾವು ಭಾವಿಸಿರಲಿಲ್ಲ. ಆದ್ರೆ ನಮ್ಮ ಹಿರಿಯ ವೈದ್ಯರು ಕಾರ್ಯಕ್ರಮದಲ್ಲಿಯೇ ನಮ್ಮನ್ನ ಕರೆದು ಸೀಮಂತ ಮಾಡಿದ್ದು ನಿಜಕ್ಕೂ ಒಂದು ಕ್ಷಣ ಭಾವುಕರಾದೆವು. ತಾಯ್ತನದ ಮಹತ್ವ ಏನೆಂಬುದು ಈ ಕಾರ್ಯಕ್ರಮದಿಂದ ಅರಿತುಕೊಂಡೆವು ಎಂಬುದು ಗರ್ಭಿಣಿ ದಾದಿಯೊಬ್ಬರ ಮಾತು.
ಶ್ರವಣಬೆಳಗೊಳದ ಸರ್ಕಾರಿ ಆಸ್ಪತ್ರೆಯ ವೈದ್ಯ ಯುವರಾಜ್ ಮೊದಲಿನಿಂದಲೂ ಸಾಮಾಜಿಕ ಕಾರ್ಯಗಳನ್ನ ಮಾಡುತ್ತಲೇ ಬಂದಿದ್ದಾರೆ. ಹಿಂದೆ ಕೂಡಾ ನುಗ್ಗೇಹಳ್ಳಿಯಲ್ಲಿದ್ದಾಗ, ಸುಮಾರು 35 ಮಂದಿ ತುಂಬು ಗರ್ಭಿಣಿಯರಿಗೆ ಉಡಿ ತುಂಬುವ ಕಾರ್ಯ ಮಾಡಿದ್ರು. ಶ್ರವಣಬೆಳಗೊಳಕ್ಕೆ ವರ್ಗಾವಣೆಯಾದ ಬಳಿಕ ಮತ್ತೆ ಇಂತಹದೊಂದು ಕಾರ್ಯಕ್ರಮ ಆಯೋಜನೆ ಮಾಡುವ ಮೂಲಕ ವೈದ್ಯ ವೃತ್ತಿಗೆ ಮತ್ತಷ್ಟು ಗೌರವ ತಂದುಕೊಟ್ಟಿದ್ದಾರೆ. ಹಣ ಇದ್ದವರು ತಮ್ಮ ಹೆಣ್ಣುಮಕ್ಕಳಿಗೆ ಬಯಕೆಯನ್ನ ಈಡೇರಿಸ್ತಾರೆ. ಆದ್ರೆ ಬಡ ಕುಟುಂಬದ ಹೆಣ್ಣುಮಕ್ಕಳ ಬಯಕೆಯನ್ನ ಈಡೇರಿಸುವಂತಹ ಕಾರ್ಯವನ್ನ ಮಾಡಿದ್ದು ನಮಗೂ ಖುಷಿ ತಂದಿದೆ.
ಒಟ್ಟಾರೆ, ಅಣ್ಣ ತಂಗಿಯರ ಬಂಧ. ಜನುಮ ಜನುಮದ ಅನುಬಂಧ ಎನ್ನುತ್ತಾರೆ. ಅಂತಹ ಸಂಬಂಧವನ್ನ ಸರ್ಕಾರಿ ಅಧಿಕಾರಿಗಳು ಬಡ ಮಹಿಳೆಯರಿಗೆ ನೆರವಾಗುವ ನಿಟ್ಟಿನಲ್ಲಿ ಬಾಂಧವ್ಯ ಬೆಸೆಯುವ ಸಾಮೂಹಿಕ ಸೀಮಂತ ಕಾರ್ಯ ಮಾಡಿದ್ದು ಎಲ್ಲರ ಮೆಚ್ಚುಗೆಗೆ ಪಾತ್ರವಾಯ್ತು. ವಿಶೇಷವಾಗಿ ಕೊಬ್ಬರಿ ಮತ್ತು ತೆಂಗಿನತುರಿಯಿಂದ ಜೊತೆಗೆ ಸಕ್ಕರೆಯಿಂದ ಮಾಡಿದ ಪೂರಿ ಜೊತೆಗೆ ಜಿಲೆಬಿ, ಬಾದುಶಾ, ಮಸಾಲೆದೋಸೆ ಸೇರಿದಂತೆ ಸಿಹಿ ತಿನಿಸುಗಳ ಸ್ವಾದಿಷ್ಟ ಊಟವನ್ನ ಉಣಬಡಿಸಿ ಅವರುಗಳ ಬಯಕೆಗಳನ್ನ ಬಸುರಿಯ ಬಯಕೆಗಳನ್ನ ಈಡೇರಿಸಿದ್ದು, ಶ್ಲಾಘನೀಯವೇ ಸರಿ.

Rate this item
(0 votes)

ಆಹಾರ ಅರಸಿ ಅವುಗಳು ಅಲ್ಲಿಗೆ ಬಂದಿದ್ದವು ಆದರೆ ಅಲ್ಲಿಂದ ವಾಪಸ್ ಹೋಗಲಾರದೆ ಸುಮಾರು 7-8 ವರ್ಷಗಳಿಂದ ಅಲ್ಲಿಯೇ ಬಂಧನಕ್ಕೊಳಗಾಗಿದ್ದವು. ಚಿಕ್ಕ ಪ್ರಪಂಚದಲ್ಲಿಯೇ ಇಷ್ಟು ದಿನ ವಾಸಮಾಡುತ್ತಾ, ತಮ್ಮ ನೋವನ್ನ ಯಾರಿಗೂ ಹೇಳಿಕೊಳ್ಳಲಾಗದೇ ಮೂಕ ಯಾತನೆ ಅನುಭವಿಸುತ್ತಿದ್ದವು. ಆದರೆ ಈಗ ಅವುಗಳಿಗೆ ಕೆಲವರುಗಳ ಕಾಳಜಿಯಿಂದ ಮತ್ತೆ ತಮ್ಮದೇ ಪ್ರಪಂಚಕ್ಕೆ ಮರಳಲು ಮುಂದಾಗಿವೆ. ಅಷ್ಟಕ್ಕೂ ಏನಿದು ಯಾರು ಬಂಧಿಯಾಗಿದ್ದರು ಎಂಬ ಕುತೂಹಲ ನಿಮಗಿದ್ದರೆ ಈ ಸ್ಟೋರಿ ನೋಡಿ. . .

ಹೌದು ಹಾಸನ ಜಿಲ್ಲೆಯ ಸಕಲೇಶಪುರ ತಾಲೂಕಿನ ಖಾಸಗಿ ಎಸ್ಟೇಟ್ ಒಂದರಲ್ಲಿ ಅಕ್ರಮವಾಗಿ ಬಂಧಿಯಾಗಿದ್ದ ಜಿಂಕೆಗಳನ್ನು ಅರಣ್ಯ ಅಧಿಕಾರಿಗಳು ಬಂಧಮುಕ್ತ ಮಾಡುತ್ತಿದ್ದಾರೆ. ರಾಷ್ಟ್ರೀಯ ಹೆದ್ದಾರಿ 75 ನಡುವಿನ ಹೊಸ್ಸೂರು ಎಸ್ಟೇಟ್ ನಲ್ಲಿದ್ದ ಸುಮಾರು 22 ಜಿಂಕೆಗಳನ್ನು ಕಳೆದ 2ದಿನದಿಂದ ತಲಾ ಮೂರು ಜಿಂಕೆಗಳಂತೆ ಸ್ಥಳಾಂತರಿಸುವ ಕಾರ್ಯವಾಗುತ್ತಿದೆ.

ಆಹಾರ ಅರಸಿ ಬಂದ ಜಿಂಕೆ ಮರಿಗಳನ್ನು ಸಾಕುವ ಉದ್ದೇಶದಿಂದ ಎಸ್ಟೇಟ್ ಮಾಲೀಕ ಅವುಗಳು ಹೊರ ಹೋಗದಂತೆ ಬೇಲಿ ನಿರ್ಮಿಸಿ ಬಂಧನ ಮಾಡಿದ್ರು. ಸಾರ್ವಜನಿಕರು ನೀಡಿದ ದೂರಿನ ಹಿನ್ನೆಲೆಯಲ್ಲಿ ಅರಣ್ಯ ಅಧಿಕಾರಿಗಳು ಎಸ್ಟೇಟ್ ಮಾಲೀಕರ ವಿರುದ್ಧ ದೂರು ದಾಖಲಿಸಿ, ಜಿಂಕೆ ಸ್ಥಳಾಂತರಕ್ಕೆ ಮುಂದಾಗಿದ್ದಾರೆ. ಹೀಗಾಗಿ ದಿನಕ್ಕೆ ಮೂರು ಜಿಂಕೆ ಗಳಂತೆ ಹೊಸ್ಸೂರ್ ಎಸ್ಟೇಟ್ ನಿಂದ ಹಾಸನದ ಗೆಂಡೆಕಟ್ಟೆ ಉದ್ಯಾನವನಕ್ಕೆ ಸ್ಥಳಾಂತರ ಮಾಡಲಾಗುತ್ತಿದೆ.

ಆ ಎಸ್ಟೇಟ್ ನಿಂದ ಜಿಂಕೆಗಳು ಜಿಗಿದು ಹಾರಿ ಹೋಗದಂತೆ ಸಣ್ಣ ಬೇಲಿಯಿಂದ ಅವುಗಳನ್ನು ಕೂಡಿಹಾಕಿದ್ದರಿಂದ. ಇಷ್ಟು ವರ್ಷಗಳ ಕಾಲ ವರ್ಷಗಳಿಂದ ಬಂಧಿಯಾಗಿದ್ದ ಜಿಂಕೆ ಮರಿಗಳಿಗೆ ಅರಣ್ಯ ಇಲಾಖೆ ಮತ್ತೆ ಹೊಸಜೀವನ ಕೊಡಲು ಮುಂದಾಗಿದೆ. ವನ್ಯಜೀವಿ ವೈದ್ಯರ ಸಲಹೆ ಮೇರೆಗೆ ಅವುಗಳಿಗೆ ಅರವಳಿಕೆ ಮದ್ದು ನೀಡಿ ಬಳಿಕ ಅವುಗಳನ್ನು ವಾಹನದ ಮೂಲಕ ಸಾಗಿಸಲಾಗುತ್ತಿದ್ದು, ಅವುಗಳನ್ನ ಹಾಸನದ ಗೆಂಡೆಕಟ್ಟೆ ಉದ್ಯಾನವನಕ್ಕೆ ಸ್ಥಳಾಂತರ ಮಾಡಲಾಗುತ್ತಿದೆ.

ಜಿಂಕೆಗಳು ಅತಿಸೂಕ್ಷ್ಮ ಪ್ರಾಣಿ ಕೆಲವೊಮ್ಮೆ ಅವುಗಳನ್ನು ಮುಟ್ಟುವುದಕ್ಕೆ ಸಾಧ್ಯವಾಗುವುದಿಲ್ಲ ಜೊತೆಗೆ ಕೆಲವೊಂದು ವಾತಾವರಣಕ್ಕೆ ಅವು ಹೊಂದಿಕೊಳ್ಳುವುದು ಬಹಳ ಕಷ್ಟ. ಹಾಗಾಗಿ ಅರವಳಿಕೆ ನೀಡುವ ಮುನ್ನ ನಾವು ವಾತಾವರಣ ವನ್ನು ನೋಡಿಕೊಂಡು ನೀಡಬೇಕಾಗುತ್ತದೆ. ಜೊತೆಗೆ ಆರೋಗ್ಯದ ಸಮಸ್ಯೆಗಳು ಉಲ್ಬಣವಾಗುವ ಸಾಧ್ಯತೆಕೂಡಾ ಇರುವುದರಿಂದ ಅವುಗಳ ರಕ್ಷಣಾಕಾರ್ಯ ತುಂಬಾ ಕಷ್ಟ.

ಒಟ್ಟಾರೆ ಸ್ವಚ್ಛಂದವಾಗಿ ಯಾರ ಹಂಗಿಲ್ಲದೆ ಕಾಡುಗಳಲ್ಲಿ ನಲಿದಾಡುತ್ತಾ, ಕುಣಿದಾಡುತ್ತಾ, ಇದ್ದ ಜಿಂಕೆ ಮರಿಗಳು ಆಹಾರವನ್ನು ಅರಸಿ ಬಂದು ಬಂಧಿಯಾಗಿದ್ದವು. ಈಗ ಸಾರ್ವಜನಿಕರ ಕಾಳಜಿಯಿಂದ ಅರಣ್ಯ ಇಲಾಖೆಯ ಸಿಬ್ಬಂದಿ ಮತ್ತು ಅಧಿಕಾರಿ ವರ್ಗದವರು ಅವುಗಳಿಗೆ ಮತ್ತೆ ತಮ್ಮದೇ ಪ್ರಪಂಚಕ್ಕೆ ಕಳುಹಿಸಿ ಕೊಡುತ್ತಿರುವುದು ಸಾರ್ವಜನಿಕರ ಮೆಚ್ಚುಗೆಗೆ ಪಾತ್ರವಾಗಿದೆ.

Thursday, 07 November 2019 00:00

ಹೆಣ್ಣು-ಹೊನ್ನು-ಮಣ್ಣು Featured

Rate this item
(0 votes)

ಹೆಣ್ಣು-ಹೊನ್ನು-ಮಣ್ಣು ಪುರುಷನನ್ನ ಹುಡುಕಿಕೊಂಡು ಬರಬೇಕು ಎಂಬ ಮಾತಿದೆ. ಸಾಲ ಕೊಟ್ಟ ಮಾತ್ರಕ್ಕೆ ಹಿರಿಯ ಅಧಿಕಾರಿ ಪತ್ನಿ ಮೇಲೆ ಕಣ್ಣು ಹಾಕಿ, ಕೊಟ್ಟ ಹಣವನ್ನ ಕಳೆದುಕೊಂಡು ಅವರೊಂದಿಗಿದ್ದ ಸ್ನೇಹವನ್ನು ಕಳೆದುಕೊಂಡು ಇಂಗು ತಿಂದ ಮಂಗನಂತಾಗಿದ್ದಾನೆ ಇಲ್ಲೊಬ್ಬ ಮಾಜಿ ಸೈನಿಕ. ಅಷ್ಚಕ್ಕೂ ಏನಿದು ಘಟನೆ ಅಂತೀರಾ. . . ಈ ಸ್ಟೋರಿ ನೋಡಿ. . .

ಹಾಸನ ಜಿಲ್ಲೆಯ ಸಕಲೇಶಪುರ ತಾಲ್ಲೂಕಿನ ಹುರುಡಿ ಗ್ರಾಮದ ಉದಯ್ ಮತ್ತು ಕೇಶವಮೂರ್ತಿ ಎಂಬ ಮಾಜಿ ಸೈನಿಕರುಗಳ ನಡುವೆ ನಡೆದಿರೋ ಇಟ್ರೆಸ್ಟಿಂಗ್ ಸ್ಟೋರಿ. . . .

ಉದಯ್ ಎಂಬ ಸೈನಿಕನ ಪತ್ನಿ ಪದ್ಮಜಾ ಹಣದ ಅವಶ್ಯಕತೆ ಇದೆ ಅಂತ ತನ್ನ ಪತಿಯ ಸ್ನೇಹಿತನಾಗಿರುವ ಮಾಜಿ ಸೈನಿಕ ಕೇಶವಮೂರ್ತಿ ಗೆ ಕರೆ 40 ಸಾವಿರ ಹಣವನ್ನು ಸಾಲವಾಗಿ ಪಡಿತಾಳೆ. ತಿಂಗಳಾದ್ರೂ ಸಾಲ ಕೊಡದ ಪದ್ಮಜಾಗೆ ಪದೇಪದೇ ಫೋನ್ ಮಾಡಿ ಕೇಶವಮೂರ್ತಿ ಕಿರುಕುಳ ನೀಡುತ್ತಾನೆ. ಅಷ್ಟೇ ಅಲ್ಲ ಸಾಲದ ಬದಲಿಗೆ ಆಕೆಯ ಮೇಲೆಯೇ ಆಸೆಪಟ್ಟಾಗ ಪದ್ಮಜಾ ತನ್ನ ಪತಿ ಉದಯ ಗೆ ಎಲ್ಲ ವಿಚಾರವನ್ನು ಹೇಳಿಬಿಡ್ತಾಳೆ.

ಉದಯ ಮತ್ತು ಕೇಶವಮೂರ್ತಿ ನಡುವೆ ಈ ಹಣದ ವಿಚಾರವಾಗಿ ಮನಸ್ತಾಪ ಉಂಟಾಗುತ್ತೆ. ಕೇಶವಮೂರ್ತಿ ಕಿರುಕುಳ ತಾಳಲಾರದೆ ಪದ್ಮಜಾ ದಂಪತಿ ಮತ್ತು ಸಾಲ ಪಡೆದು ನನಗೆ ಮೋಸ ಮಾಡಿದ್ದಾರೆ ಅಂತ ಕೇಶವಮೂರ್ತಿ ಇಬ್ಬರು ಪೊಲೀಸ್ ಠಾಣೆಯಲ್ಲಿ ಒಬ್ಬರ ಮೇಲೊಬ್ಬರು ದೂರು ದಾಖಲು ಮಾಡ್ಕೋತಾರೆ.

ದೂರು ದಾಖಲು ಮಾಡಿಕೊಂಡ ಪೊಲೀಸರಿಗೆ ತನಿಖೆ ವೇಳೆ ಹೊಸದೊಂದು ಟ್ವಿಸ್ಟ್ ಸಿಗುತ್ತೆ. ಶಿಕ್ಷಕಿ ಹೆಸರಲ್ಲಿ ಕೇಶವಮೂರ್ತಿ ಗೆ ಫೋನ್ ಮಾಡಿದ್ದು ಪದ್ಮಜಾ ಅಲ್ಲ. ಕೇಶವಮೂರ್ತಿ ಕೂಡ ಹಣ ಕೊಟ್ಟಿದ್ದು ಪದ್ಮಜಾಗೆ ಅಲ್ಲಾ ಎಂದು. ಹಾಗಾದ್ರೆ ಇವರಿಬ್ಬರ ನಡುವೆ ಮನಸ್ತಾಪ ತಂದು ಹಣವನ್ನ ಪಡೆದವರು ಯಾರು ಎಂಬುದು ಪೊಲೀಸರಿಗೆ ತಲೆ ನೋವಾಗುತ್ತೆ. ತನಿಖೆ ಮುಂದುವರಿಸಿದಾಗ ಗೊತ್ತಾಗಿದ್ದು, ಸತ್ತ ವ್ಯಕ್ತಿಯ ಮೊಬೈಲ್ ಸಿಮ್ ಬಳಸಿ ಓರ್ವ ದಂಪತಿ ಹಣವನ್ನು ಲಪಟಾಯಿಸಿದ್ದಾರೆಂದು.

ಹೌದು ಇವರಿಬ್ಬರ ನಡುವೆ ಮನಸ್ತಾಪ ತಂದು ಹಣವನ್ನು ಲಪಟಾಯಿಸಿದದ್ದು ಬೇರ್ಯಾರು ಅಲ್ಲಾ. ಹುರುಡಿ ಸಮೀಪದ ಹಾದಿಗೆ ಗ್ರಾಮದ ಪೃಥ್ವಿ ಮತ್ತು ಆಕೆಯ ಪತ್ನಿ. 6 ತಿಂಗಳ ಹಿಂದೆ ಸುಧೀರ್ ಎಂಬ ವ್ಯಕ್ತಿ ಅಪಘಾತದಲ್ಲಿ ಸಾವಿಗೀಡಾಗಿದ್ದು, ಅಪಘಾತವಾದ ಸ್ಥಳದಲ್ಲಿ ದೊರೆತ ಮೊಬೈಲನ್ನ ಪೃಥ್ವಿ ಬಳಸುತ್ತಿದ್ದ. ಐಷಾರಾಮಿ ಜೀವನಕ್ಕಾಗಿ ಸತ್ತ ವ್ಯಕ್ತಿಯ ಮೊಬೈಲ್ನಿಂದ ತನ್ನ ಹೆಂಡತಿಯ ಮೂಲಕ ಕೇಶವಮೂರ್ತಿಗೆ ಕರೆ ಮಾಡಿ 40 ಸಾವಿರ ಪಡೆದ ಇವರು ಇದನ್ನೇ ಬಂಡವಾಳ ಮಾಡಿಕೊಂಡ ಇವರು ಇಬ್ಬರು ರಾಜಕೀಯ ಮುಖಂಡರುಗಳ ಕಡೆಯಿಂದಲೂ ತಲಾ 20 ಸಾವಿರದಂತೆ ಹಣ ಪಡೆದು ವಂಚಿಸಿದ್ದಾರೆ ಎಂಬುದು ತನಿಖೆಯಿಂದ ಗೊತ್ತಾಗಿದ್ದು, ಪತಿ ಪೃಥ್ವಿಯನ್ನು ಪೊಲೀಸರು ಅರೆಸ್ಟ್ ಮಾಡಿದ್ರು ಎಂಬ ವಿಚಾರ ತಿಳಿಯುತ್ತಿದ್ದಂತೆ ಹೆಂಡತಿ ಊರಿಂದ ಕಾಲ್ಕಿತ್ತಿರೋ ಆಕೆಗಾಗಿ ಪೊಲೀಸರು ಹುಡುಕಾಟ ನಡೆಸಿದ್ದಾರೆ

ಒಟ್ಟಾರೆ ಐಷಾರಾಮಿ ಜೀವನಕ್ಕಾಗಿ ಸತ್ತ ವ್ಯಕ್ತಿಯ ಸಿಮ್ ಬಳಸಿ, ಇಬ್ಬರು ಮಾಜಿ ಸೈನಿಕರ ನಡುವೆ ಮನಸ್ತಾಪ ತಂದಿಟ್ಟಿದ್ದು ಒಂದು ಕಡೆಯಾದರೆ, ತನ್ನ ಕಿರಿಯ ಸಹದ್ಯೋಗಿ ಹೆಂಡತಿಗೆ ಹಣಕೊಟ್ಟೆ ಎಂದು ಭಾವಿಸಿ ಹಿಂದಿರುಗಿಸದ ಹಣಕ್ಕಾಗಿ ಆಕೆಯ ಮೇಲೆ ಆಸೆಪಟ್ಟಿದ್ದು ಸೈನಿಕ ವೃತ್ತಿಗೆ ಅಪಮಾನ ಮಾಡಿದಂತೆಯೇ ಸರಿ. ಹಣ ಮತ್ತಪ ಹೆಣ್ಣು ಸ್ನೇಹ ಸಂಬಂಧವನ್ನು ಹಾಳು ಮಾಡುತ್ತದೆ ಎಂಬುದಕ್ಕೆ ಈ ಪ್ರಕರಣವೇ ಸ್ಪಷ್ಟ ಉದಾಹರಣೆ.

Page 1 of 15

Media News

  • Latest
  • Most popular
  • Trending
  • Most commented
Post by Kondi News
- Nov 11, 2019
ಗೃಹ ಪ್ರವೇಶದ ಊಟ ಮಾಡಿ 50ಕ್ಕೂ ಹೆಚ್ಚು ಜನರು ...
Post by Kondi News
- Aug 20, 2019
ಹಾಸನ: ಗಂಡನ ಕಿರುಕುಳಕ್ಕೆ ಬೇಸತ್ತು ಹೆಂಡತಿ ಆತ್ಮಹತ್ಯೆ ...
Post by Kondi News
- Aug 31, 2019
ಹಾಸನ: ಅನೈತಿಕ ಸಂಬಂಧ ಮತ್ತು ಹಣದ ವಿಚಾರಕ್ಕಾಗಿ ಮಗಳೇ ...
Has no content to show!

Visitors Counter

00552034
Today
This Month
Last Month
All days
9
1142
2268
552034
Your IP: 35.171.45.91
2019-11-15 09:06

About

Newsletter

Subscribe with us your email
Top